Ən fəzilətli zikr: Subhanallah, Əlhəmdulillah, La ilahə illallah

Peyğəmbər - salləllahu aleyhi va səlləm - bizə ən fəzilətli zikrin “Lə iləhə illallah" kəlməsi olduğunu, yəni: Uca Allahdan başqa ibadətə layiq haqq məbud olmadığını və eyni zamanda ən fəzilətli duanın da "Əlhəmdulillah" sözü olduğunu, yəni: Uca Allahın nemətləri bəxş edən, bütün kamil və gözəl vəsflərə layiq olan mənasına gəldiyini xəbər vermişdir.

Faydaları

• Bu hədis Uca Allahı tövhid kəlməsi ilə çoxlu zikr etməyə və həmd-səna edərək Ona dua etməyə təşviq etmişdir.

HadeethEnc.com saytında oxuyun

Allah Rəsulu (Allahın salavatı və salamı onun üzərinə olsun) bildirir ki, uca Allaha ən sevimli olan kəlimələr dörddür:

Subhanallah: Yəni uca Allahın bütün nöqsanlardan uzaq olması.

Əlhəmdulilləh: Bu, sevgi və təzim bəsləməklə Allahı ən mükəmməl sifətlə vəsf etməkdir.

Lə iləhə illəllah: Yəni, Allahdan başqa ibadətə layiq olan haqq məbud yoxdur.

Allahu əkbər: Yəni, O hər şeydən ən izzətli, ən əzəmətli, ən böyükdür.

Bu fəziləti və savabını əldə etmək üçün bu kəlimələri tələffüz edərkən onları sıra qaydasında söyləmək vacib deyildir.

Faydaları

• Şəriətin asanlığı, belə ki, hansı biri ilə başlasan fərq etmir.

HadeethEnc.com saytında oxuyun

Allah Rəsulu (Allahın salavatı və salamı onun üzərinə olsun) insanın çətinlik çəkmədən, hər zaman bu iki kəliməni tələffüz etməsi barədə xəbər verir və vurğulayır ki, əməl tərəzisində bu iki kəlimənin mükafatı möhtəşəmdir və həmçinin bildirir ki, bunlar Rəhman olan uca və müqəddəs Rəbbimizə sevimli olan kəlimələrdəndir:

"Subhənallahil-Azim, Subhənallahi və bihəmdihi" sözləri uca və müqəddəs Allahın əzəmət və kamillik sifətləriylə vəsfini və nöqsanlardan uzaq olmasını ehtiva edir.

Faydaları

• Ən möhtəşəm zikr - Allahı eyiblərdən münəzzəh edən və Ona həmd səna edilən zikrin bir yerdə, bir araya gəlməsidir.
• Allahın qullarına qarşı olan rəhmətinin genişliyinin bəyanı, və az əməl olsa belə O, əvəzini böyük mükafatla verir.

HadeethEnc.com saytında oxuyun

Allah Rəsulu (Allahın salavatı və salamı onun üzərinə olsun) xəbər verir ki, uca Allahı bu əzəmətli kəlimələrlə zikr etmək dünya və dünyada nə varsa ondan xeyirlidir. Bunlar:

"SubhanAllah": Uca Allahı hər cür nöqsanlardan pak tutmaq.

"Əlhəmdulilləh": kamil sifətləriylə Ona məhəbbət bəsləyərək və təzim edərək Onu tərifləmək.

"Ləə iləhəh illallah": Allahdan başqa haqq məbud yoxdur.

"Allahu əkbər": hər şeydən ən böyük və ən əzəmətli olan.

Faydaları

• Allahı zikr etməyə təşviq və zikrin günəşin üzərinə doğduğu hər şeydən sevimli olması.
• Savabına və fəzilətinə görə zikri çoxaltmağa təşviq.
• Dünya ləzzəti az və ehtirasları keçicidir.

HadeethEnc.com saytında oxuyun

Allah Rəsulu (Allahın salavatı və salamı onun üzərinə olsun) xəbər verir ki, kim gün ərzində yüz dəfə: "Subhənallahi və bihəmdihi" deyərsə, günahları coşan dənizin üzərini alan köpüklər qədər çox olsa belə silinər.

Faydaları

• Bu savaba gün ərzində istər ardıcıl surətdə, istərsə də ayrı-ayrılıqda deməklə nail olunur.
• Təsbih (subhanallah): Allah nöqsansızdır - deməkdir. Əlhəmdulilləh: Allahı sevərək və təzim edərək, kamillik sifəti ilə vəsf etməkdir.
• Hədisdə nəzərdə tutulan kiçik günahların bağışlanmasıdır, böyük günahlara gəldikdə isə onlara tövbə etmək gərəkdir.

HadeethEnc.com saytında oxuyun

Səhrada məskunlaşan bir kişi Allahın Rəsulundan (Allahın salavatı və salamı onun üzərinə olsun) ona söyləməyə bir zikr öyrətməsini istədi, Allah Rəsulu (Allahın salavatı və salamı onun üzərinə olsun) ona dedi: De ki: "Ləə iləhə illallahu vəhdəhu lə şərikə ləhu"- tövhid şəhadəti ilə başladı ki, onun da mənası -Allahdan başqa haqq məbud yoxdur -deməkdir, Allahu Əkbəru kəbiran"- Yəni: Allah hər şeydən böyükdür və əzəmətlidir. "vəlhəmdu lilləhi kəsiran" Yəni, sifətləri, felləri və saysız-hesabsız nemətlərinə görə Allaha çoxlu həmd olsun. "Subhənallahi Rabbil-ələmin" Yəni, bütün nöqsanlardan münəzzəh və ucadır. "Lə həvlə və ləə quvvətə illə billəhil-əzizil-həkim" Yəni: Allah, Onun köməyi və müvəffəqiyyəti olmadan bir vəziyyətdən digərinə keçid-dəyişiklik yoxdur. Kişi dedi: Bu kəlimələr Rəbbimi zikr və təzim etmək üçündür . Bəs mən özüm üçün necə dua edim? Allah Rəsulu (Allahın salavatı və salamı onun üzərinə olsun) ona dedi: De ki: "Allahumməğfir li" (Allahım məni bağışla) Günahlarımı silib-örtərək "Vərhəmni" (Və mənə rəhm et) Dini və dünyəvi fayda və mənfəətləri mənə çatdırmaqla "vəhdini" (Mənə hidayət ver) Ən gözəl hala və doğru yola "Vərzuqni" (Və mənə ruzi ver) Halal ruzi, sağlamlıq və bütün xeyir və salamatlıq

Faydaları

• "Ləə iləhə illallah", "Allahu Əkbər, "Əlhəmdu lilləh" və "Subhənallah" zikrləri ilə Allahın zikrinə təşviq etmək.
• Duadan öncə Allahı zikr etmək və Ona səna (tərif) etməyin bəyənilən olması
• İnsanın ən gözəl dualarla və dünya və axirət xeyirlərini özündə cəm edən, Allah Rəsulundan (Allahın salavatı və salamı onun üzərinə olsun) gələn dualarla dua etməsi bəyəniləndir. O, həmçinin istədiyi duanı da edə bilər.
• Qul, dünya və axirətdə ona fayda verəcək şeyləri öyrənməyə həris olmalıdır.
• Bağışlanma, rəhmət və ruzi istəməyə təşviq edilmişdir . Çünki bunlar xeyirləri özündə cəm edir.
• Allah Rəsulunun (Allahın salavatı və salamı onun üzərinə olsun) ümmətinə, onlara fayda verəcək şeyləri öyrətməyə şəfqətli olması.
• Qulun təmizlənməsini tamamlamaq üçün rəhmət məğfirətdən sonra qeyd edilmişdir. Məğfirət günahları örtür, onları silir və cəhənnəmdən uzaqlaşdırır. Rəhmət isə xeyirlərin qula çatmasını və Cənnətə daxil olmanı ifadə edir. Məhz bu böyük qurtuluşdur.

HadeethEnc.com saytında oxuyun

Allah Rəsulu (Allahın salavatı və salamı onun üzərinə olsun) zahiri təmizliyin dəstəmaz və qüsl ilə olacağını və bunun namazın şərti olduğunu xəbər vermişdir. Peyğəmbərin (Allahın salavatı və salamı onun üzərinə olsun) "Əlhəmdulilləh tərəzini doldurur" - sözü, Uca Allaha tərifdir və Onu kamil sifətlərlə vəsf etməkdir. Bu söz, qiyamət günü tərəzidə çəkiləcək və əməllər tərəzisini dolduracaqdır. Peyğəmbərin (Allahın salamı və salavatı onun üzərinə olsun) "Subhənallah və əlhəmdulilləh" - sözü, Uca Allahı bütün nöqsanlardan uca tutmaq, Onu, Cəlalına layiq bir şəkildə kamil sifətlərlə vəsf edərək, Ona məhəbbət bəsləmək və Ona təzim etmək göylər və yer arasını doldurur. Peyğəmbərin (Allahın salavatı və salamı onun üzərinə olsun) "Namaz nurdur" - sözü, qulun qəlbində, üzündə, qəbrində və həşr edildiyində nur olacağı mənasındadır. "Sədəqə bürhandır" - sözü, möminin imanında səmimi olduğuna və imanının qarşılığında veriləcək vədə inanmadığı üçün ondan üz çevirən münafiqdən fərqli olduğuna dəlildir. "Səbr işıqdır" - sözü, nəfsi, dözümsüzlük nümayiş etdirməkdən və qəzəblənməkdən saxlaması deməkdir. Bu işıq, günəş işığı kimi hərarətli və yandıran bir işıqdır. Çünki, səbr etmək məşəqqətli bir işdir və insanın nəfsi ilə mübarizə aparıb, onun istəklərindən əngəllməsi lazımdır. Səbr sahibi nur, hidayət və haqq üzərində davam edir. Allaha itaətdə səbr etmək, günahlara qarşı səbr etmək və dünyada başına gələn müsibətlərə və müxtəlif çətinliklərə səbr etmək səbrin növlərindəndir. "Quran ya sənin leyhinə dəlildir" - oxumaqla və ona əməl etməklə sənin lehinə dəlildir, "ya da aleyhinə dəlildir" - ondan qaynaqlanan əməlləri və tilavətini tərk etməklə sənə qarşı hüccətdir. Sonra Allah Rəsulu (Allahın salavatı və salamı onun üzərinə olsun) xəbər verir ki, bütün insanlar yataqlarından qalxıb evlərindən çıxaraq müxtəlif işlər görmək üçün yer üzünə yayılırlar və çalışmağa başlayırlar. Onlardan bir qismi Allaha itaət üzərində olaraq özlərini cəhənnəmdən xilas edir, bir qismi isə, bu yoldan azaraq haramlara düşür və cəhənnəmə daxil olaraq özlərini həlak edirlər.

Faydaları

• Təmizlik iki növdür: Zahiri təmizlik və bu, dəstəmaz və qüslla baş verir. Daxili təmizlik - bu isə iman, tövhid və saleh əməllərlə hasil olur.
• Namazlara diqqət edib, vaxtında qılmağın əhəmiyyəti və onun bu dünyada da, qiyamət günündə də, insan üçün nur olması.
• Sədəqə imanın səmimiliyinə dəlildir.
• Quranın hökmlərinə əməl etməyin əhəmiyyəti və onun sənin əleyhinə yox, leyhinə dəlil olması üçün təsdiq etməyin önəmi.
• Nəfsi itaətlə məşğul etməsən, səni günahlarla məşğul edər.
• Hər bir insanın müəyyən əməllər etməsi qaçılmazdır, o ya itaətlə özünü cəhənnəmdən xilas edər, ya da asiliklə özünü cəhənnəmə atar.
• Səbr dözümlülüyü və qarşılığını Allahdan gözləməyi tələb edir və bunda da çətinlik var.

HadeethEnc.com saytında oxuyun