Ìgbà wo ni a ń gba adua? Àwọn àsìkò àti ìdí

Anọbi- ki ikẹ Ọlọhun ati ọla Rẹ maa ba a- ṣàlàyé pe iṣesi ti ẹrú maa n sunmọ Oluwa rẹ ju nibẹ ni ìgbà ti o ba wa ni iforikanlẹ; ìyẹn ni pe ẹni ti n kirun maa fi ibi ti o ga ju ti o si niyi ju ninu ara rẹ lé ilẹ̀ ni ti ìtẹríba ati irẹlẹ fun Ọlọhun ti O lágbára ti O gbọnngbọn, ti o si wa ni iforikanlẹ.

Anọbi- ki ikẹ Ọlọhun ati ọla Rẹ maa ba a- ti wa pàṣẹ ṣíṣe adua ni ọ̀pọ̀lọpọ̀ ni iforikanlẹ, o maa wa kójọ ninu ìyẹn irẹlẹ fun Ọlọhun pẹlu ọ̀rọ̀ ati ìṣe.

Àwọn àǹfààní

• Itẹle àṣẹ Ọlọhun maa n le ẹrú kún ni isunmọ Ọlọhun ti ọla Rẹ ga.
• A fẹ́ ki a maa ṣe adua ni ọ̀pọ̀lọpọ̀ ni iforikanlẹ; torí pé ó wa ninu awọn ààyè gbigba adua.

Kà á lórí HadeethEnc.com

Anọbi- ki ikẹ Ọlọhun ati ọla Rẹ maa ba a- sọ pé adua naa ni ìjọsìn, ohun ti o jẹ dandan naa ni ki gbogbo ẹ jẹ ti Ọlọhun nìkan, yálà o jẹ adua ibeere ati wiwa nǹkan ni, bii ki o tọrọ lọ́dọ̀ Ọlọhun ohun ti o maa ṣe e ni anfaani, ati titi ohun ti o maa ko inira ba a ni ayé ati ọ̀run lọ, tabi o jẹ adua ìjọsìn, oun ni gbogbo nnkan ti Ọlọhun nífẹ̀ẹ́ si ti o si yọnu si ninu awọn ọ̀rọ̀ ati awọn iṣẹ ti o han ati eyi ti o pamọ, àwọn ìjọsìn ti ọkàn tabi ara tabi dúkìá.

Lẹyin naa ni Anọbi- ki ikẹ Ọlọhun ati ọla Rẹ maa ba a- wa mu ẹri wa lori ìyẹn, nibi ti o ti sọ pe: Ọlọhun ti ọla Rẹ ga sọ pe: {Ẹ pè Mí, kí N̄g jẹ́pè yín. Dájúdájú àwọn t’ó ń ṣègbéraga nípa jíjọ́sìn fún Mi, wọn yóò wọ inú iná Jahanamọ ní ẹni yẹpẹrẹ}

Àwọn àǹfààní

• Adua ni ipilẹ ìjọsìn, ko tọ́ ki a ṣe e fun ẹni ti o yatọ si Ọlọhun.
• Adua kó pàápàá ijẹ-ẹru sínú, ati jijẹwọ ọ̀rọ̀ Olúwa ati ikapa Rẹ, ati ìní bukaata ẹrú si I.
• Àdéhùn ìyà ti o le koko ni ẹsan ìgbéraga nipa jijọsin fun Ọlọhun ati gbigbe pipe E ju silẹ, ati pe awọn ti wọn n ṣe ìgbéraga nipa pipe Ọlọhun maa wọ iná Jahannamọ ni ẹni yẹpẹrẹ.

Kà á lórí HadeethEnc.com

Anọbi- ki ikẹ Ọlọhun ati ọla Rẹ maa ba a- ṣàlàyé pe ko si nnkan kan ninu awọn ijọsin ti o ni ọlá ni ọdọ Ọlọhun ju adua lọ; torí pé ó n bẹ ninu ẹ jijẹwọ ọ̀rọ̀ Ọlọhun ti ọla Rẹ ga, ati jijẹwọ ikagara ẹrú ati ìní bukaata rẹ si I.

Àwọn àǹfààní

• Ọla adua, ati pe ẹni ti o ba pe Ọlọhun ni o n gbe E tobi, ti o si n fi rinlẹ fun Un pe Ọlọ́rọ̀ ni, mimọ ni fun Un, èèyàn kii pe tálákà, Olùgbọ́ si ni, èèyàn kii pe odi, Ọlọ́rẹ ni, eeyan kii pe ahun, Aláàánú ni, èèyàn kii pe ẹni ti o le, Ọba ti O ni ikapa ni, èèyàn kii pe ẹni ti o kagara, Ọba ti O sunmọ ni, ẹni tí ó jìnnà ko lee gbọ, ati ohun ti o yatọ si ìyẹn ninu awọn ìròyìn títóbi ati ẹwà fun Ọlọhun, mimọ ni fun Un, Ọba ti ọla Rẹ ga.

Kà á lórí HadeethEnc.com