Lutja para gjumit dhe dhikri i gjumit

Çfarë thoshte dhe lexonte Pejgamberi ﷺ kur shkonte në shtrat.

1 Një herë

قُلْ هُوَ اللَّهُ أَحَدٌ ﴿١﴾ اللَّهُ الصَّمَدُ ﴿٢﴾ لَمْ يَلِدْ وَلَمْ يُولَدْ ﴿٣﴾ وَلَمْ يَكُن لَّهُ كُفُوًا أَحَدٌ ﴿٤﴾
قُلْ أَعُوذُ بِرَبِّ الْفَلَقِ ﴿١﴾ مِن شَرِّ مَا خَلَقَ ﴿٢﴾ وَمِن شَرِّ غَاسِقٍ إِذَا وَقَبَ ﴿٣﴾ وَمِن شَرِّ النَّفَّاثَاتِ فِي الْعُقَدِ ﴿٤﴾ وَمِن شَرِّ حَاسِدٍ إِذَا حَسَدَ ﴿٥﴾
قُلْ أَعُوذُ بِرَبِّ النَّاسِ ﴿١﴾ مَلِكِ النَّاسِ ﴿٢﴾ إِلَهِ النَّاسِ ﴿٣﴾ مِن شَرِّ الْوَسْوَاسِ الْخَنَّاسِ ﴿٤﴾ الَّذِي يُوَسْوِسُ فِي صُدُورِ النَّاسِ ﴿٥﴾ مِنَ الْجِنَّةِ وَالنَّاسِ ﴿٦﴾

Kuptimi dhe burimi

Aishja (Allahu qoftë i kënaqur me të!) tregon: "Çdo natë, kur Profeti ﷺ binte në shtrat, i bashkonte shuplakat e duarve dhe frynte në to duke lexuar suret: el Ihlas, el Felek dhe en Nas, e më pas e përshkonte trupin sa kishte mundësi. Fillonte nga koka dhe fytyra duke vazhduar pastaj me pjesën e mbetur. Kështu vepronte tri herë radhazi."

Transmeton Buhariu Grada: Sahih

Shpjegimi

Një nga udhëzimet e Profetit ﷺ ishte se, kur binte në shtrat për të fjetur, i bashkonte shuplakat e duarve dhe i çonte ato, - siç bën lutësi gjatë lutjes, - dhe frynte butësisht nga goja e tij me një të fryrë të vogël, e cila përmbante pakëz pështymë dhe i lexonte tri suret: el Ihlas, el Felek dhe en Nas*, e më pas e përshkonte trupin me duart e tij, aq sa kishte mundësi. Fillonte nga koka dhe fytyra duke vazhduar pastaj me pjesën e mbetur përpara trupit të tij. Kështu vepronte tri herë radhazi.

Dobitë

Është e preferuar të lexohet surja el Ihlas dhe ato el Muavidhetejn (suret: el Felek dhe en Nas) para gjumit, të fryhet me to (duart) dhe të përshkohet trupi sa më shumë me duar.

Lexo në HadeethEnc.com

2 Një herë

آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ ﴿٢٨٥﴾ لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ ﴿٢٨٦﴾

Kuptimi dhe burimi

Ibën Mesudi (Allahu qoftë i kënaqur me të!) transmeton se Profeti ﷺ ka thënë: "Atij që i lexon dy ajetet e fundit të sures el Bekare gjatë natës, do t'i mjaftojnë."

Muttefek alejhi Grada: Sahih

Shpjegimi

Profeti ﷺ ka njoftuar se kushdo që i lexon dy ajetet e fundit të sures el Bekare gjatë natës, Allahu do t'i mjaftojë atij nga çdo gjë e keqe dhe çdo gjë që e urren. Po ashtu është thënë (si mendim se): i mjaftojnë kundrejt namazit të natës; i mjaftojnë kundrejt dhikreve të tjera; ato janë ajetet më të pakta që mjaftojnë për leximin e Kuranit gjatë namazit të natës dhe janë dhënë edhe mendime të tjera. Të gjitha mendimet që u përmendën janë të sakta dhe kjo shprehje i ngërthen në vete.

Dobitë

Sqarimi i vlerës së ajeteve të fundit të sures el Bekare. Këto ajete janë nga fjala e Allahut të Lartësuar: "I Dërguari beson në të (Kuranin)...", deri në fund të sures.
Ajetet e fundit të sures el Bekare, atij që i lexon, ia largojnë të keqen, sherrin e shejtanin, nëse i lexon gjatë natës.
Nata fillon me perëndimin e Diellit dhe mbaron me lindjen e agimit.

Lexo në HadeethEnc.com

3 Një herë

سُبْحَانَ اللَّهِ (٣٣)، الْحَمْدُ لِلَّهِ (٣٣)، اللَّهُ أَكْبَرُ (٣٤)

Kuptimi dhe burimi

Aliu (Allahu qoftë i kënaqur me të) tregon se Fatimja u ankua për dhimbjen e dorës nga mulliri dhe mori vesh se Profetit ﷺ i kishin sjellë një rob. Kështu, ajo shkoi t'i kërkonte një shërbëtor, por, pasi nuk e gjeti aty, ia përmendi Aishes. Kur Profeti ﷺ u kthye, Aishja ia përmendi. Pastaj Profeti ﷺ erdhi te ne, ndërkohë që ishim shtrirë për të fjetur. Ne deshëm të çohemi, po ai na tha: “Qëndroni aty ku jeni.” Ai u afrua dhe u ul mes meje e saj, saqë ndjeva të ftohtët e këmbëve të tij në barkun tim dhe na tha: “A doni t'ju mësoj diçka më të mirë se ajo që më keni kërkuar? Kur të shtriheni për të fjetur, bëni tesbih (thoni: Subhanallah) tridhjetë e tri herë, falënderoni (thoni: Elhamdulilah) tridhjetë e tri herë dhe bëni tekbir (thoni: Allahu ekber) tridhjetë e katër herë. Kjo është më mirë për ju sesa një shërbëtor.”

Muttefek alejhi Grada: Sahih

Shpjegimi

Fatimja, e bija e Profetit ﷺ, iu ankua atij për dhimbjen që ndiente nga përdorimi i mjeteve të bluarjes nga ajo që bluante. Kur Profetit ﷺ i sollën një rob, ajo shkoi për t'i kërkuar atij një shërbëtor që ta ndihmonte në punët e shtëpisë. Por, ajo nuk e gjeti Profetin ﷺ në shtëpi, por ja që e takoi Aishen (Allahu qoftë i kënaqur me të!) dhe i tregoi asaj për situatën e saj. Kur erdhi Profeti ﷺ, Aishja i tregoi atij për ardhjen e Fatimes, e cila po i kërkonte një shërbëtor. Atëherë Profeti shkoi ﷺ te Fatimja dhe Aliu (Allahu qoftë i kënaqur me të dytë!) në shtëpinë e tyre, ndërsa ata ishin në shtrat duke u përgatitur për të fjetur. Ai u ul në mes të tyre, saqë Aliu (Allahu qoftë i kënaqur me të)! e ndjeu ftohtësinë e këmbëve të Profetit ﷺ në barkun e tij dhe na tha: A t'ju tregoj diçka më të mirë sesa ajo që më kërkuat për t'ju dhënë një shërbëtor? Ata të dy thanë: "Gjithsesi." Kështu, Profeti ﷺ u tha: Kur të shkoni për të fjetur në gjumin e natës, bëni tesbih (thoni: Subhanallah) tridhjetë e tri herë, bëni tahmid (thoni: Elhamdulilah) tridhjetë e tri herë, dhe bëni tekbir (thoni: Allahu ekber) tridhjetë e katër herë. Ky dhikër është më i mirë për ju sesa një shërbëtor.

Dobitë

Është e rekomanduar që ky dhikër i begatë të thuhet në vazhdimësi, pasi është transmetuar se Aliu (Allahu qoftë i kënaqur me të!) nuk e ka braktisur këtë porosi profetike as në natën e Sifinit.
Ky dhikër thuhet vetëm gjatë gjumit të natës. Shprehja tekstuale që shënohet te Muslimi, nga transmetimi i Muadhit, nga Shube, qëndron: "Kur të shtriheni për të fjetur gjatë natës."
Nëse muslimani e harron këtë dhikër në fillim të natës dhe pastaj e kujton në fund të natës, nuk ka gjë ta thotë, sepse Aliu (Allahu qoftë i kënaqur me të!), njëherazi transmetues i hadithit, tregon se e harroi harroi këtë dhikër në natën e Sifinit, në fillim të natës, ku pastaj u kujtua dhe e tha para sabahut.
Muhelebi ka thënë: "Prej dobive të këtij hadithi përfitojmë se njeriu e detyron familjen e tij të bëjë atë që e detyron veten, duke i dhënë kështu përparësi botës tjetër kundrejt kësaj bote, nëse ata kanë mundësi ta bëjnë këtë."
Ibn Haxher el Askalani ka thënë: "Ai që e bën këtë dhikër në vazhdimësi, nuk do të dëmtohet nga punët e shumta e as do t'i bëhet e vështirë, edhe nëse lodhet."
Ajniu ka thënë: "Aspekti i shprehjes "më i mirë", i përmendur në hadith, ose ka të bëjë me dhikrin, që ndërlidhet me botën tjetër, dhe shërbëtorin, që ndërlidhet me këtë botë, e dihet se bota tjetër është më e mirë dhe e përhershme, ose ka të bëjë me faktin e asaj që ajo kërkoi: përmes këtij dhikri të arrijë fuqi, ku ka mundësi të shërbejë e të bëjë punë më shumë sesa ka mundësi të bëjë punë shërbëtori."

Lexo në HadeethEnc.com

Pyetje

Çfarë ka në këtë faqe?

Lutja para gjumit: secili në arabisht, me kuptimin, hadithin nga vjen, gradën dhe një shpjegim.

Nga vijnë përkthimet?

Nga HadeethEnc.com, Enciklopedia e Haditheve Profetike të Përkthyera. Çdo hadith paraqitet saktësisht siç e botojnë ata, me burimin dhe gradën, dhe me lidhje te origjinali.

A mund të marr një kujtesë të përditshme?

Po. Aplikacioni falas Qabas për Android të kujton çdo ditë dhikrin e mëngjesit dhe të mbrëmjes dhe ka të njëjtin numërues.