سورت الزلزلة الزلزلة

إِذَا زُلۡزِلَتِ ٱلۡأَرۡضُ زِلۡزَالَهَا ١

99-1 كله چې ځمكه وخوزلى شي په خپلو سختو خوزولو سره

وَأَخۡرَجَتِ ٱلۡأَرۡضُ أَثۡقَالَهَا ٢

99-2 او ځمكه خپل درانه بارونه بهر ته راوباسي

وَقَالَ ٱلۡإِنسَٰنُ مَا لَهَا ٣

99-3 او انسان به ووايي چې په دې څه شوي دي

يَوۡمَئِذٖ تُحَدِّثُ أَخۡبَارَهَا ٤

99-4 په دغې ورځې كې به دا ځمكه خپلې خبرې (حالات) بیانوي

بِأَنَّ رَبَّكَ أَوۡحَىٰ لَهَا ٥

99-5 په دې سبب چې ستا رب به دې ته وحي وكړي

يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ ٦

99-6 په دغې ورځ كې به خلق بېرته راګرځي، په داسې حال كې چې بېل بېل (او مختلف) به وي، د دې لپاره چې دوى ته خپل عملونه وښودل شي

فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ ٧

99-7 نو هغه څوك چې د یوې ذرې په اندازه نېك عمل وكړي (،نو) دى به هغه وویني

وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ ٨

99-8 او هغه څوك چې د یوې ذرې په اندازه د شر (او بدۍ) عمل كوي (، نو) دى به هغه وویني