سورت العاديات العاديات

وَٱلۡعَٰدِيَٰتِ ضَبۡحٗا ١

100-1 قسم دى په تېزو ځغلېدونكو اسونو، چې له سینو او ګېډو نه اواز ایستونكي دي

فَٱلۡمُورِيَٰتِ قَدۡحٗا ٢

100-2 پس (قسم دى) په هغو اسونو چې په خپلو سُمانو سره تیږې وهي او اور را ایستونكي دي

فَٱلۡمُغِيرَٰتِ صُبۡحٗا ٣

100-3 پس (قسم دى) په هغو اسونو چې د سبا په وخت كې لوټمار كوونكي دي

فَأَثَرۡنَ بِهِۦ نَقۡعٗا ٤

100-4 نو په دغه وخت كې دغه (اسونه) ګرد پورته كوي

فَوَسَطۡنَ بِهِۦ جَمۡعًا ٥

100-5 پس په دغه وخت كې د لويې ډلې په مینځ كې ننوځي

إِنَّ ٱلۡإِنسَٰنَ لِرَبِّهِۦ لَكَنُودٞ ٦

100-6 چې بېشكه انسان د خپل رب ډېر ناشكره دى

وَإِنَّهُۥ عَلَىٰ ذَٰلِكَ لَشَهِيدٞ ٧

100-7 او بېشكه دى په دې خبره یقینًا ښه خبردار (او ګواه) دى

وَإِنَّهُۥ لِحُبِّ ٱلۡخَيۡرِ لَشَدِيدٌ ٨

100-8 او بېشكه دى د مال په مینه كې یقینًا ډېر سخت دى

۞ أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ ٩

100-9 ایا نو دى نه پوهېږي كله چې هغه (مړي) راوښكل شي چې په قبرونو كې دي؟

وَحُصِّلَ مَا فِي ٱلصُّدُورِ ١٠

100-10 او هغه څه راښكاره كړى شي چې په سینو كې دي

إِنَّ رَبَّهُم بِهِمۡ يَوۡمَئِذٖ لَّخَبِيرُۢ ١١

100-11 بېشكه د دوى رب په دغې ورځ كې په دوى باندې یقینًا ښه خبردار دى