سورت التكوير التكوير

إِذَا ٱلشَّمۡسُ كُوِّرَتۡ ١

81-1 كله چې لمر ونغښتل شي

وَإِذَا ٱلنُّجُومُ ٱنكَدَرَتۡ ٢

81-2 او كله چې ستوري خړ شي

وَإِذَا ٱلۡجِبَالُ سُيِّرَتۡ ٣

81-3 او كله چې غرونه روان كړل شي

وَإِذَا ٱلۡعِشَارُ عُطِّلَتۡ ٤

81-4 او كله چې د لسو میاشتو بلاربې اوښې معطلې (ازادې) پرېښودى شي

وَإِذَا ٱلۡوُحُوشُ حُشِرَتۡ ٥

81-5 او كله چې وحشي ځناوران راجمع كړل شي

وَإِذَا ٱلۡبِحَارُ سُجِّرَتۡ ٦

81-6 او كله چې دریابونه بل كړى شي

وَإِذَا ٱلنُّفُوسُ زُوِّجَتۡ ٧

81-7 او كله چې نفسونه جوړه كړل شي

وَإِذَا ٱلۡمَوۡءُۥدَةُ سُئِلَتۡ ٨

81-8 او كله چې ژوندۍ خښه كړى شوې جینۍ وپوښتى شي

بِأَيِّ ذَنۢبٖ قُتِلَتۡ ٩

81-9 چې دا په كومې ګناه وژل شوې ده

وَإِذَا ٱلصُّحُفُ نُشِرَتۡ ١٠

81-10 او كله چې اعمال نامې وغوړولى شي

وَإِذَا ٱلسَّمَآءُ كُشِطَتۡ ١١

81-11 او كله چې له اسمان نه پوستكى ووېستل شي

وَإِذَا ٱلۡجَحِيمُ سُعِّرَتۡ ١٢

81-12 او كله چې دوزخ بلې لمبې كړى شي

وَإِذَا ٱلۡجَنَّةُ أُزۡلِفَتۡ ١٣

81-13 او كله چې جنت ښه نژدې كړى شي

عَلِمَتۡ نَفۡسٞ مَّآ أَحۡضَرَتۡ ١٤

81-14 هر نفس به په هغه شي پوه شي چې ده حاضر كړى وي

فَلَآ أُقۡسِمُ بِٱلۡخُنَّسِ ١٥

81-15 نو زه قسم خورم په هغو (ستوریو) چې بېرته ګرځېدونكي دي

ٱلۡجَوَارِ ٱلۡكُنَّسِ ١٦

81-16 په روانو، پټېدونكو باندې

وَٱلَّيۡلِ إِذَا عَسۡعَسَ ١٧

81-17 او قسم خورم په شپې كله چې شروع شي

وَٱلصُّبۡحِ إِذَا تَنَفَّسَ ١٨

81-18 او په سبا كله چې دى ساه واخلي (روښانه شي)

إِنَّهُۥ لَقَوۡلُ رَسُولٖ كَرِيمٖ ١٩

81-19 بېشكه دا (قرآن) خامخا د ډېر عزتمن رسول قول دى

ذِي قُوَّةٍ عِندَ ذِي ٱلۡعَرۡشِ مَكِينٖ ٢٠

81-20 چې د عرش د مالك په نیز د قوت والا (او) د مرتبې والا دى

مُّطَاعٖ ثَمَّ أَمِينٖ ٢١

81-21 منلى شوى دى هلته، امین دى

وَمَا صَاحِبُكُم بِمَجۡنُونٖ ٢٢

81-22 او ستاسو ملګرى (محمدﷺ) له سره لېونى نه دى

وَلَقَدۡ رَءَاهُ بِٱلۡأُفُقِ ٱلۡمُبِينِ ٢٣

81-23 او یقینًا یقینًا ده دغه (جبریل د اسمان) په څرګنده غاړه كې لیدلى و

وَمَا هُوَ عَلَى ٱلۡغَيۡبِ بِضَنِينٖ ٢٤

81-24 او دى د وحي په بیانولو كې له سره بخل كوونكى نه دى

وَمَا هُوَ بِقَوۡلِ شَيۡطَٰنٖ رَّجِيمٖ ٢٥

81-25 او بېخي نه دى دا (قرآن) خبره د شیطان رټل شوي

فَأَيۡنَ تَذۡهَبُونَ ٢٦

81-26 نو تاسو (اى كافرانو!)چېرته ځئ؟

إِنۡ هُوَ إِلَّا ذِكۡرٞ لِّلۡعَٰلَمِينَ ٢٧

81-27 نه دى دا (قرآن) مګر د عالمونو لپاره نصیحت (او پند)

لِمَن شَآءَ مِنكُمۡ أَن يَسۡتَقِيمَ ٢٨

81-28 د هغه چا لپاره چې په تاسو كې غواړې چې دى نېغ برابر شي

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ٢٩

81-29 او تاسو د (د سمې لارې) اراده نشئ كولى مګر دا چې الله رب العلمین يې اراده وكړي