At-Takwir surasi التكوير

إِذَا ٱلشَّمۡسُ كُوِّرَتۡ ١

Вақтики, қуёшни буклаб, ўралса.

وَإِذَا ٱلنُّجُومُ ٱنكَدَرَتۡ ٢

Ва вақтики юлдузлар узилиб тушиб, сочилиб кетса.

وَإِذَا ٱلۡجِبَالُ سُيِّرَتۡ ٣

Ва вақтики, тоғлар жойидан кўчирилса.

وَإِذَا ٱلۡعِشَارُ عُطِّلَتۡ ٤

Ва вақтики, ҳомиласига ўн ой тўлган туялар қаровсиз қолса.

وَإِذَا ٱلۡوُحُوشُ حُشِرَتۡ ٥

Ва вақтики, ваҳший ҳайвонлар бир жойга тўпланса.

وَإِذَا ٱلۡبِحَارُ سُجِّرَتۡ ٦

Ва вақтики, денгизлар аланга олиб ёнса.

وَإِذَا ٱلنُّفُوسُ زُوِّجَتۡ ٧

Ва вақтики, нафслар жуфтлаштирилса. ¹

وَإِذَا ٱلۡمَوۡءُۥدَةُ سُئِلَتۡ ٨

Ва вақтики, тириклай кўмилган қиздан сўралса.

بِأَيِّ ذَنۢبٖ قُتِلَتۡ ٩

У нима гуноҳ учун ўлдирилган?

وَإِذَا ٱلصُّحُفُ نُشِرَتۡ ١٠

Ва вақтики, саҳифалар нашр қилинса.

وَإِذَا ٱلسَّمَآءُ كُشِطَتۡ ١١

Ва вақтики, осмон қўпорилса.

وَإِذَا ٱلۡجَحِيمُ سُعِّرَتۡ ١٢

Ва вақтики, жаҳаннам қиздирилса.

وَإِذَا ٱلۡجَنَّةُ أُزۡلِفَتۡ ١٣

Ва вақтики, жаннат яқинлаштирилса.

عَلِمَتۡ نَفۡسٞ مَّآ أَحۡضَرَتۡ ١٤

Ҳар бир жон нима ҳозирлаганини биладир.

فَلَآ أُقۡسِمُ بِٱلۡخُنَّسِ ١٥

(Кундузи) махфий бўлувчи(юлдуз)лар билан қасам.

ٱلۡجَوَارِ ٱلۡكُنَّسِ ١٦

(Кечалари) юрувчи, беркинувчи(юлдуз)лар билан қасам.

وَٱلَّيۡلِ إِذَا عَسۡعَسَ ١٧

Қоронғулиги ила кириб келган кеча билан қасам.

وَٱلصُّبۡحِ إِذَا تَنَفَّسَ ١٨

Нафас олиб кириб келган тонг билан қасам.

إِنَّهُۥ لَقَوۡلُ رَسُولٖ كَرِيمٖ ١٩

Албатта у(Қуръон) карамли элчининг сўзидир.

ذِي قُوَّةٍ عِندَ ذِي ٱلۡعَرۡشِ مَكِينٖ ٢٠

У қувватли, арш Эгаси ҳузурида мартабаси олийдир.

مُّطَاعٖ ثَمَّ أَمِينٖ ٢١

Итоат қилинган, омонатлидир.

وَمَا صَاحِبُكُم بِمَجۡنُونٖ ٢٢

Сизнинг соҳибингиз мажнун эмасдир.

وَلَقَدۡ رَءَاهُ بِٱلۡأُفُقِ ٱلۡمُبِينِ ٢٣

Батаҳқиқ, ул ани очиқ-ойдин уфқда кўрди. ²

وَمَا هُوَ عَلَى ٱلۡغَيۡبِ بِضَنِينٖ ٢٤

Ва у ғайбга бахил эмасдир.

وَمَا هُوَ بِقَوۡلِ شَيۡطَٰنٖ رَّجِيمٖ ٢٥

Ва у(Қуръон) тошбўрон қилинган шайтоннинг сўзи эмасдир.

فَأَيۡنَ تَذۡهَبُونَ ٢٦

Бас, қаёққа кетмоқдасиз?!

إِنۡ هُوَ إِلَّا ذِكۡرٞ لِّلۡعَٰلَمِينَ ٢٧

У (Қуръон) оламларга эслатмадан бошқа нарса эмасдир.

لِمَن شَآءَ مِنكُمۡ أَن يَسۡتَقِيمَ ٢٨

Сизлардан истиқомат(тўғри йўл)да бўлишни хоҳловчилар учундир.

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ٢٩

Оламларнинг Робби Аллоҳ хоҳламаса, сизлар хоҳлай олмассизлар. ³