Suratu At-Takwir التكوير

إِذَا ٱلشَّمۡسُ كُوِّرَتۡ ١

Idhash-shamsu kuwwirat

Nígbà tí wọ́n bá ká òòrùn kóróbójó dànù,

وَإِذَا ٱلنُّجُومُ ٱنكَدَرَتۡ ٢

Wa idhan-nujūmunkadarat

àti nígbà tí àwọn ìràwọ̀ bá já bọ́ káàkiri,

وَإِذَا ٱلۡجِبَالُ سُيِّرَتۡ ٣

Wa idhal-jibālu suyyirat

àti nígbà tí wọ́n bá mú àwọn àpáta rìn (kúrò ní àyè wọn, tí wọ́n kù wọ́n dànù),

وَإِذَا ٱلۡعِشَارُ عُطِّلَتۡ ٤

Wa idhal-'ishāru 'uttilat

àti nígbà tí wọ́n bá pa àwọn ràkúnmí aboyún tì,

وَإِذَا ٱلۡوُحُوشُ حُشِرَتۡ ٥

Wa idhal-wuhūshu hushirat

àti nígbà tí wọ́n bá ko àwọn ẹranko jọ,

وَإِذَا ٱلۡبِحَارُ سُجِّرَتۡ ٦

Wa idhal-bihāru sujjirat

àti nígbà tí wọ́n bá mú àwọn agbami odò gbiná,

وَإِذَا ٱلنُّفُوسُ زُوِّجَتۡ ٧

Wa idhan-nufūsu zuwwijat

àti nígbà tí wọ́n bá so àwọn ẹ̀mí pọ̀ mọ́ra wọn, (ẹni rere pẹ̀lú ẹni rere, ẹni ibi pẹ̀lú ẹni ibi)

وَإِذَا ٱلۡمَوۡءُۥدَةُ سُئِلَتۡ ٨

Wa idhal-maw'ūdatu su'ilat

àti nígbà tí ọmọbìnrin tí wọ́n bò mọ́lẹ̀ láàyè bá bèèrè pé

بِأَيِّ ذَنۢبٖ قُتِلَتۡ ٩

Bi ayyi dhambin qutilat

ẹ̀ṣẹ̀ wo ni wọ́n pa òun fún,

وَإِذَا ٱلصُّحُفُ نُشِرَتۡ ١٠

Wa idhas-suhufu nushirat

àti nígbà tí wọ́n bá ṣí àwọn tákàdá (iṣẹ́ ẹ̀dá) sílẹ̀,

وَإِذَا ٱلسَّمَآءُ كُشِطَتۡ ١١

Wa idhas-samā'u kushitat

àti nígbà tí wọ́n bá ká sánmọ̀ kúrò lókè,

وَإِذَا ٱلۡجَحِيمُ سُعِّرَتۡ ١٢

Wa idhal-jahīmu su''irat

àti nígbà tí wọ́n bá mú iná Jẹhīm jò fòfò,

وَإِذَا ٱلۡجَنَّةُ أُزۡلِفَتۡ ١٣

Wa idhal-jannatu uzlifat

àti nígbà tí wọ́n bá sún Ọgbà Ìdẹ̀ra mọ́ (àwọn onígbàgbọ́ òdodo),

عَلِمَتۡ نَفۡسٞ مَّآ أَحۡضَرَتۡ ١٤

'Alimat nafsum mā ahdarat

(nígbà náà ni) ẹ̀mí (kọ̀ọ̀kan) yóò mọ ohun tí ó mú wá (nínú iṣẹ́ ire àti iṣẹ́ ibi).

فَلَآ أُقۡسِمُ بِٱلۡخُنَّسِ ١٥

Falā uqsimu bil-khunnas

Nítorí náà, Èmi (Allāhu) ń fi àwọn ìràwọ̀ tó ń yọ ní alẹ́, tó ń wọ̀ọ̀kùn ní ọ̀sán búra,

ٱلۡجَوَارِ ٱلۡكُنَّسِ ١٦

Al-jawāril-kunnas

(ìyẹn) àwọn ìràwọ̀ tó ń rìn lọ rìn bọ̀, tó ń wọ̀ọ̀kùn sí ibùwọ̀ wọn.

وَٱلَّيۡلِ إِذَا عَسۡعَسَ ١٧

Wallayli idhā 'as'as

Mo tún fi alẹ́ nígbà tí ó bá lọ búra.¹

وَٱلصُّبۡحِ إِذَا تَنَفَّسَ ١٨

Was-subhi idhā tanaffas

Mo tún fi òwúrọ̀ nígbà tí ó bá mọ́lẹ̀ búra.

إِنَّهُۥ لَقَوۡلُ رَسُولٖ كَرِيمٖ ١٩

Innahū laqawlu rasūlin karīm

Dájúdájú (al-Ƙur’ān) ni ọ̀rọ̀ (tí A fi rán Jibrīl) Òjíṣẹ́, alápọ̀n-ọ́nlé,¹

ذِي قُوَّةٍ عِندَ ذِي ٱلۡعَرۡشِ مَكِينٖ ٢٠

Dhī quwwatin 'inda dhil-'arshi makīn

alágbára, ẹni pàtàkì ní ọ̀dọ̀ Ẹni t’Ó ni Ìtẹ́-ọlá,

مُّطَاعٖ ثَمَّ أَمِينٖ ٢١

Mmutā'in thamma amīn

ẹni tí wọ́n ń tẹ̀lé àṣẹ rẹ̀ níbẹ̀ yẹn (nínú sánmọ̀), olùfọkàntán.

وَمَا صَاحِبُكُم بِمَجۡنُونٖ ٢٢

Wamā sāhibukum bimajnūn

Àti pé ẹni yín (Ànábì Muhammad - kí ìkẹ́ àti ọlà Allāhu máa bá a -) kì í ṣe wèrè.

وَلَقَدۡ رَءَاهُ بِٱلۡأُفُقِ ٱلۡمُبِينِ ٢٣

Walaqad ra'āhu bil-ufuqil-mubīn

Ó kúkú rí i nínú òfurufú kedere.¹

وَمَا هُوَ عَلَى ٱلۡغَيۡبِ بِضَنِينٖ ٢٤

Wamā huwa 'alal-ghaybi bidanīn

Àti pé kì í ṣe ahun (tàbí ẹni-afurasí) lórí ìró ìkọ̀kọ̀ (tí A fi ránṣẹ́ sí i).

وَمَا هُوَ بِقَوۡلِ شَيۡطَٰنٖ رَّجِيمٖ ٢٥

Wamā huwa biqawli shaytānir rajīm

Al-Ƙur’ān kì í sì ṣe ọ̀rọ̀ (tí A fi rán) aṣ-Ṣaetọ̄n, ẹni ẹ̀kọ̀.

فَأَيۡنَ تَذۡهَبُونَ ٢٦

Fa ayna tadhhabūn

Nítorí náà, ibo l’ẹ̀ ń lọ?

إِنۡ هُوَ إِلَّا ذِكۡرٞ لِّلۡعَٰلَمِينَ ٢٧

In huwa illā dhikrul lil-'ālamīn

Kí sì ni al-Ƙur’ān bí kò ṣe ìrántí fún gbogbo ẹ̀dá.

لِمَن شَآءَ مِنكُمۡ أَن يَسۡتَقِيمَ ٢٨

Liman shā'a minkum an yastaqīm

(Ó wà) fún ẹni tí ó bá fẹ́ nínú yín láti dúró déédé.

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ ٢٩

Wamā tashā'ūna illā an yashā'allāhu rabbul-'ālamīn

Ẹ̀yin kò sì níí fẹ́ (láti dúró déédé) àyàfi tí Allāhu bá fẹ́, Olúwa gbogbo ẹ̀dá.