سورت عبس عبس

عَبَسَ وَتَوَلَّىٰٓ ١

80-1 ده تندى تریو كړ او مخ يې وګرځاوه

أَن جَآءَهُ ٱلۡأَعۡمَىٰ ٢

80-2 په دې وجه چې ده ته ړوند راغى

وَمَا يُدۡرِيكَ لَعَلَّهُۥ يَزَّكَّىٰٓ ٣

80-3 او ته څه شي پوه كړى يې، ښايي چې دى پاك شي

أَوۡ يَذَّكَّرُ فَتَنفَعَهُ ٱلذِّكۡرَىٰٓ ٤

80-4 یا به دى نصیحت (او پند) واخلي، نو ده ته به پند نفع ورسوي

أَمَّا مَنِ ٱسۡتَغۡنَىٰ ٥

80-5 هر چې هغه څوك دى چې استغنا يې كړې ده

فَأَنتَ لَهُۥ تَصَدَّىٰ ٦

80-6 نو ته په هغه پسې كېږې

وَمَا عَلَيۡكَ أَلَّا يَزَّكَّىٰ ٧

80-7 حال دا چې په تا هېڅ الزام نشته چې هغه پاك نشي

وَأَمَّا مَن جَآءَكَ يَسۡعَىٰ ٨

80-8 او هر چې هغه څوك دى چې تا ته په منډو راځي

وَهُوَ يَخۡشَىٰ ٩

80-9 په داسې حال كې چې دى (له الله نه) وېرېږي

فَأَنتَ عَنۡهُ تَلَهَّىٰ ١٠

80-10 نو ته له هغه نه مشغولېږې

كَلَّآ إِنَّهَا تَذۡكِرَةٞ ١١

80-11 داسې كله هم مه كوه، بېشكه دا (سورت) یو پند (او نصیحت) دى

فَمَن شَآءَ ذَكَرَهُۥ ١٢

80-12 نو هغه څوك چې غواړي (نو) دى دې ومني

فِي صُحُفٖ مُّكَرَّمَةٖ ١٣

80-13 (دغه) په عزتمنو پاڼو كې دى

مَّرۡفُوعَةٖ مُّطَهَّرَةِۭ ١٤

80-14 چې پورته كړى شوې، ښې پاكې كړى شوې دي

بِأَيۡدِي سَفَرَةٖ ١٥

80-15 د لیكونكو (ملايكو) په لاسونو كې

كِرَامِۭ بَرَرَةٖ ١٦

80-16 چې ډېر عزتمن، ډېر نېك دي

قُتِلَ ٱلۡإِنسَٰنُ مَآ أَكۡفَرَهُۥ ١٧

80-17 انسان دې هلاك كړى شي، دى څومره ډېر ناشكره دى!

مِنۡ أَيِّ شَيۡءٍ خَلَقَهُۥ ١٨

80-18 دى دغه (الله) له څه شي نه پیدا كړى دى؟

مِن نُّطۡفَةٍ خَلَقَهُۥ فَقَدَّرَهُۥ ١٩

80-19 له نطفې نه، دى يې پیدا كړى دى، پس دى يې اندازه كړى دى

ثُمَّ ٱلسَّبِيلَ يَسَّرَهُۥ ٢٠

80-20 بیا يې ده ته لاره ور اسانه كړې ده

ثُمَّ أَمَاتَهُۥ فَأَقۡبَرَهُۥ ٢١

80-21 بیا يې دى مړ كړ، نو دى يې په قبر كې كېښود

ثُمَّ إِذَا شَآءَ أَنشَرَهُۥ ٢٢

80-22 بیا چې كله وغواړي دى به ژوندى كړي

كَلَّا لَمَّا يَقۡضِ مَآ أَمَرَهُۥ ٢٣

80-23 داسې نه ده، دغه (انسان) هغه كار نه دى كړى چې دغه (الله) ده ته حكم كړى دى

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ ٢٤

80-24 نو انسان دې خپل طعام ته وګوري

أَنَّا صَبَبۡنَا ٱلۡمَآءَ صَبّٗا ٢٥

80-25 چې بېشكه مونږ اوبه راتوى كړې دي، راتویول

ثُمَّ شَقَقۡنَا ٱلۡأَرۡضَ شَقّٗا ٢٦

80-26 بیا مونږ ځمكه څیرې كړې ده، څیرول

فَأَنۢبَتۡنَا فِيهَا حَبّٗا ٢٧

80-27 نو مونږ په دې كې دانې را زرغونه كړي دي

وَعِنَبٗا وَقَضۡبٗا ٢٨

80-28 او انګور او تركاريانې

وَزَيۡتُونٗا وَنَخۡلٗا ٢٩

80-29 او زیتون او كجورې

وَحَدَآئِقَ غُلۡبٗا ٣٠

80-30 او ګڼ باغونه

وَفَٰكِهَةٗ وَأَبّٗا ٣١

80-31 او مېوې او ګياه (واښه)

مَّتَٰعٗا لَّكُمۡ وَلِأَنۡعَٰمِكُمۡ ٣٢

80-32 ستاسو او ستاسو د څارویو د فايدې لپاره

فَإِذَا جَآءَتِ ٱلصَّآخَّةُ ٣٣

80-33 نو كله چې سخت اواز راشي

يَوۡمَ يَفِرُّ ٱلۡمَرۡءُ مِنۡ أَخِيهِ ٣٤

80-34 په هغه ورځ چې سړى به له خپل وروره تښتي

وَأُمِّهِۦ وَأَبِيهِ ٣٥

80-35 او له خپلې مور او خپل پلاره

وَصَٰحِبَتِهِۦ وَبَنِيهِ ٣٦

80-36 او له خپلې ښځې او خپلو زامنو نه

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ ٣٧

80-37 په دوى كې د هر سړي لپاره به په دغه ورځ كې یو حال وي چې دى به (له نورو نه) بې پروا (بې غوره) كوي

وُجُوهٞ يَوۡمَئِذٖ مُّسۡفِرَةٞ ٣٨

80-38 څه مخونه به په دغې ورځ كې روښانه وي

ضَاحِكَةٞ مُّسۡتَبۡشِرَةٞ ٣٩

80-39 خندېدونكي (او) خوشاله به وي

وَوُجُوهٞ يَوۡمَئِذٍ عَلَيۡهَا غَبَرَةٞ ٤٠

80-40 او څه مخونه به په دغې ورځ كې پر هغو به ګرد پروت وي

تَرۡهَقُهَا قَتَرَةٌ ٤١

80-41 دغه (مخونه) به توروالي پټ كړي وي

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ ٤٢

80-42 دغه (تور مخي) خلق هم دوى كافران (او) فاجران (بدكاران) دي