له ښه یا بد خوب وروسته څه وکړو

رسول الله صلی الله علیه وسلم خبر ورکوي چې نېک او خوشحالوونکی خوب د الله له طرفه وي، او بد خوب؛ یعنې داسې څه په خوب کې لېدل چې کرکه ترې کوي او خفه کوي یې، هغه د شیطان له طرفه وي.

نو که چا داسې ېو څه ولیدل چې کرکه یې ترې درلوده، خپل چپ اړخ ته دې لاړې تو کړي او له شر څخه دې په الله پناه وغواړي؛ (که یې داسې وکړل) زیان به ورته ونه لري، ځکه چې الله تعالی یې له شر څخه د سلامتیا سبب ذکر کړی دی.

ګټې

• ښه خوب او بد خوب لیدل له هغه څه نه عبارت دی چې ویده انسان یو شی په خوب کې وویني، خو د (رؤیا) کلمه غالبا د هغه خوب لپاره کارول کېږي چې یو څوک په خوب کې ښه او ښایسته شی وویني، او (حُلم) غالبا هغه خوب ته ویل کېږي بد او ناوړه وي، حال دا چې دا دواړه کلمې یوه د بلې پر ځای استعمالېدلی شي.
• د خوب ډولونه: ۱ - نیک خوب، دا هغه حق او د الله تعالی له خوا زېری ورکوونکی خوب دی چې یو څوک یې ویني او یا ورته لیدل کېږي، ۲ - کلام نفسي؛ هغه څه چې د انسان په ذهن کې په ویښه اوړي او راوړي، ۳ - خفګان او د شیطان لخوا وېره او وحشت چې بني آدم غمجنوي.
• د ښو خوبونو په اړه له یادو ویناوو څخه درې شیان تر لاسه کوو: دا چې د الله ستاینه پرې وکړي او نورو ته پرې زېری ورکړي، او هغه چاته یې ووایي چې مینه ورسره لري، نه هغه چاته چې نه یې خوښېږي.
• د بد خوب د لیدلو له یادو شوو ادبونو څخه پنځه خبرې ترلاسه کوو: دا چې پر الله تعالی یې له شر او د شیطان له شر څخه پناه وغواړي، او کله چې له خوبه راویښ شي نو چپ اړخ ته دې درې ځلې لاړې تو کړي او هېچا ته دې نه وایي، او که غوښتل یې چې بېرته ویده شي نو اړخ دې بدل کړي، بیا به ورته زیان ونه لري.

په HadeethEnc.com کې یې ولولئ

رسول الله صلی الله علیه وسلم فرمایي چې ښه او خوشحالوونکی خوب د الله له طرفه وي، او لارښوونه یې کړی ده چې د الله شکر دې پرې ادا شي او نور دې پرې خبر کړي، او که داسې یو څه یې ولیدل چې نه یې خوښېدل او پرې خفه و، هغه د شیطان له طرفه وي؛ نو له شر څخه دې الله ته پناه یوسي او هېچاته دې نه وایي؛ (که داسې یې وکړل) هغه به ورته ضرر ونه لري، ځکه چې یاده لارښوونه الله تعالی له بدې پایلې څخه د ژغورل کېدو لپاره سبب ګرځولی دی.

ګټې

• د خوب لیدلو ډولونه: ۱ - نیک خوب چې لېدل یې حق او د الله تعالی له لورې زېری وي، برابره خبره ده که یو څوک یې خپله وګوري او یا دده لپاره ولیدل شي، ۲ - هغه خبرې چې انسان یې د خپل نفس سره په ویښه کوي (فکرونه او چرتونه)، ۳ - د شیطان له لورې غم، وېره او وحشت چې بنی آدم پرې خفه کوي.
• د نېکو خوبونو په اړه له یادو ویناوو څخه درې پایلې تر لاسه کېږي: دا چې د الله شکر پرې وباسي او پرې خوشحاله شي، او د خپلې خوښې کس ته یې ووایي؛ نه هغه چاته چې کرکه ترې لري.
• د ناوړه خوب د لیدلو په اړه باید پنځه شیان په پام کې ونیول شي: چې د خوب او د شیطان له شر څخه الله ته پناه یوسي، کله چې له خوب نه راپاڅېده چپ لور ته دې درې ځلې لاړې تو کړي او هېچاته دې نه وایي او که غوښتل یې چې بېرته ویده شي په بله ډډه دې څملي، بیا ورته ضرر نه لري.
• ابن حجر وایي: پدې کې حکمت دا دی، که چېرته یې ښه خوب داسې یو چاته ووایه چې نه یې خوښیږي، نو کېدای شي ناخوښه تعبیر یې ورته وکړي؛ د بغض او کینې له امله، نو کېدی شي همغه ډول پایله ولري او یا دا چې ځان ته یې په خفګان او غم موندلو کې بیړه وکړه، له دې امله منع شو چې څوک یې نه خوښېده نو خوب دې ورته نه وایي.
• د تازه نعمتونو د راتلو او نوي کېدو پر مهال حمد او ثنا ویل یې د دوامداره کېدو لامل ګرځي.

په HadeethEnc.com کې یې ولولئ