Al-Infitar surasi الإنفطار

إِذَا ٱلسَّمَآءُ ٱنفَطَرَتۡ ١

Вақтики, осмон ёрилса.

وَإِذَا ٱلۡكَوَاكِبُ ٱنتَثَرَتۡ ٢

Ва вақтики, юлдузлар сочилиб кетса.

وَإِذَا ٱلۡبِحَارُ فُجِّرَتۡ ٣

Ва вақтики, денгизлар портлатилса.

وَإِذَا ٱلۡقُبُورُ بُعۡثِرَتۡ ٤

Ва вақтики, қабрлар остин-устин бўлса.

عَلِمَتۡ نَفۡسٞ مَّا قَدَّمَتۡ وَأَخَّرَتۡ ٥

Ҳар бир жон — нимани тақдим қилдию нимани таъхир қилди — биладир.

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ ٦

Эй Инсон! Сени нима Карамли Роббинг ҳақида ғурурга кетказди?!

ٱلَّذِي خَلَقَكَ فَسَوَّىٰكَ فَعَدَلَكَ ٧

У сени тўла-тўкис ва мўътадил қилиб яратганди.

فِيٓ أَيِّ صُورَةٖ مَّا شَآءَ رَكَّبَكَ ٨

Ўзи хоҳлаган сувратда сени таркиб қилди.

كَلَّا بَلۡ تُكَذِّبُونَ بِٱلدِّينِ ٩

Йўқ!!! Балки, сиз жазони ёлғонга чиқармоқдасиз!!!

وَإِنَّ عَلَيۡكُمۡ لَحَٰفِظِينَ ١٠

Ҳолбуки, сизнинг устингиздан кузатиб турувчилар бордир.

كِرَامٗا كَٰتِبِينَ ١١

Улар ҳурматли ёзиб тургувчилардир.

يَعۡلَمُونَ مَا تَفۡعَلُونَ ١٢

Улар нима қилаётганингизни биладир.

إِنَّ ٱلۡأَبۡرَارَ لَفِي نَعِيمٖ ١٣

Албатта, яхшилар жаннатдадир.

وَإِنَّ ٱلۡفُجَّارَ لَفِي جَحِيمٖ ١٤

Ва, албатта, фожирлар жаҳаннамдадир.

يَصۡلَوۡنَهَا يَوۡمَ ٱلدِّينِ ١٥

Улар у ерга қиёмат куни кирадир.

وَمَا هُمۡ عَنۡهَا بِغَآئِبِينَ ١٦

Ва улар ундан ғойиб бўла олмаслар.

وَمَآ أَدۡرَىٰكَ مَا يَوۡمُ ٱلدِّينِ ١٧

Ва, жазо куни нима эканини сенга нима билдирди?

ثُمَّ مَآ أَدۡرَىٰكَ مَا يَوۡمُ ٱلدِّينِ ١٨

Сўнг, жазо куни нима эканини сенга нима билдирди?

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ ١٩

Ўша кунда ҳеч бир жон бошқа бир жон учун бирор нарса қилиш имконига молик эмас. У кунда барча иш Аллоҳнинг Ўзига хос.