سورت الهمزة الهمزة

وَيۡلٞ لِّكُلِّ هُمَزَةٖ لُّمَزَةٍ ١

104-1 هلاكت دى د هر ډېر غیبت كوونكي، ډېر عیبت لګوونكي لپاره

ٱلَّذِي جَمَعَ مَالٗا وَعَدَّدَهُۥ ٢

104-2 هغه چې مال يې جمع كړى دى او دغه يې بیا بیا شمېرلى (او ذخیره كړى) دى

يَحۡسَبُ أَنَّ مَالَهُۥٓ أَخۡلَدَهُۥ ٣

104-3 دى خیال كوي چې بېشكه د ده مال به دى تل ژوندى وساتي؟

كَلَّاۖ لَيُنۢبَذَنَّ فِي ٱلۡحُطَمَةِ ٤

104-4 داسې هیڅكله نشي كېدى، دى به خامخا ضرور په حطمه (ماتوونكي او سوځوونكي دوزخ) كې وغورځول شي

وَمَآ أَدۡرَىٰكَ مَا ٱلۡحُطَمَةُ ٥

104-5 او ته څه شي پوه كړې چې حطمه څه شى دى؟

نَارُ ٱللَّهِ ٱلۡمُوقَدَةُ ٦

104-6 د الله هغه بل كړى شوى اور دى

ٱلَّتِي تَطَّلِعُ عَلَى ٱلۡأَفۡـِٔدَةِ ٧

104-7 هغه چې په زړونو راخېژي (او غالب كېږي)

إِنَّهَا عَلَيۡهِم مُّؤۡصَدَةٞ ٨

104-8 بېشكه دغه (اور) به په دوى باندې (له هره جانبه) رابند كړى شوى وي

فِي عَمَدٖ مُّمَدَّدَةِۭ ٩

104-9 په اوږدو (راښكلى شویو) ستنو كې