سورت الغاشية الغاشية

هَلۡ أَتَىٰكَ حَدِيثُ ٱلۡغَٰشِيَةِ ١

88-1 ایا تا ته (يعنې خلقو لره) د پټوونكي (قیامت) خبر راغلى دى؟

وُجُوهٞ يَوۡمَئِذٍ خَٰشِعَةٌ ٢

88-2 څه مخونه به په دغې ورځ كې خوار (او) وېرېدونكي وي

عَامِلَةٞ نَّاصِبَةٞ ٣

88-3 سخت كار كوونكي، ستړي كېدونكي به وي

تَصۡلَىٰ نَارًا حَامِيَةٗ ٤

88-4 ډېر ګرم اور ته به ننوځي

تُسۡقَىٰ مِنۡ عَيۡنٍ ءَانِيَةٖ ٥

88-5 په دوى به له ډېرې ګرمې چېنې نه اوبه څښولى شي

لَّيۡسَ لَهُمۡ طَعَامٌ إِلَّا مِن ضَرِيعٖ ٦

88-6 د دوى لپاره به طعام نه وي مګر له اغزنې ترخې ونې نه

لَّا يُسۡمِنُ وَلَا يُغۡنِي مِن جُوعٖ ٧

88-7 چې نه څربول كوي او نه هېڅ لوږه لرې كوي

وُجُوهٞ يَوۡمَئِذٖ نَّاعِمَةٞ ٨

88-8 څه مخونه به په دغې ورځ كې تروتازه وي

لِّسَعۡيِهَا رَاضِيَةٞ ٩

88-9 په خپل كوشش به راضي (خوشاله) وي

فِي جَنَّةٍ عَالِيَةٖ ١٠

88-10 په اوچت جنت كې به وي

لَّا تَسۡمَعُ فِيهَا لَٰغِيَةٗ ١١

88-11 دوى به په دغه (جنت) كې هېڅ بېكاره خبره نه اوري

فِيهَا عَيۡنٞ جَارِيَةٞ ١٢

88-12 په دغه (جنت) كې روانه چینه ده

فِيهَا سُرُرٞ مَّرۡفُوعَةٞ ١٣

88-13 په دغه (جنت) كې اوچت تختونه دي

وَأَكۡوَابٞ مَّوۡضُوعَةٞ ١٤

88-14 او (په اندازې سره) ایښودل شوي جامونه دي

وَنَمَارِقُ مَصۡفُوفَةٞ ١٥

88-15 او په قطار كې ایښودل شوي بالښتونه دي

وَزَرَابِيُّ مَبۡثُوثَةٌ ١٦

88-16 او غوړول شوي اعلی فرشونه دي

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ ١٧

88-17 ایا نو دوى اوښانو ته نه ګوري چې دوى څرنګه پیدا كړى شوي دي؟

وَإِلَى ٱلسَّمَآءِ كَيۡفَ رُفِعَتۡ ١٨

88-18 او اسمان ته چې دى څنګه اوچت كړى شوى دى؟

وَإِلَى ٱلۡجِبَالِ كَيۡفَ نُصِبَتۡ ١٩

88-19 او غرونو ته چې دوى څنګه ودرول شوي دي ؟

وَإِلَى ٱلۡأَرۡضِ كَيۡفَ سُطِحَتۡ ٢٠

88-20 او ځمكې ته چې څنګه غوړول شوې ده؟

فَذَكِّرۡ إِنَّمَآ أَنتَ مُذَكِّرٞ ٢١

88-21 نو ته پند وركړه، بېشكه ته خو يواځې پند وركوونكى يې

لَّسۡتَ عَلَيۡهِم بِمُصَيۡطِرٍ ٢٢

88-22 ته په دوى باندې مسلط كړى شوى نه يې

إِلَّا مَن تَوَلَّىٰ وَكَفَرَ ٢٣

88-23 مګر هغه څوك چې (له ایمانه) وګرځي او كافر شي

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ ٢٤

88-24 نو الله به ده ته عذاب وركړي تر ټولو لوى عذاب

إِنَّ إِلَيۡنَآ إِيَابَهُمۡ ٢٥

88-25 بېشكه خاص مونږ ته د دوى بېرته راتګ دى

ثُمَّ إِنَّ عَلَيۡنَا حِسَابَهُم ٢٦

88-26 بیا یقینًا د دوى حساب زمونږ په غاړه دى