سورت الأعلى الأعلى

سَبِّحِ ٱسۡمَ رَبِّكَ ٱلۡأَعۡلَى ١

87-1 ته پاكي بیان كړه د خپل رب د نامې چې تر ټولو اوچت دى

ٱلَّذِي خَلَقَ فَسَوَّىٰ ٢

87-2 هغه چې پیدا يې كړل ټول شيان، پس ښه يې برابر كړل

وَٱلَّذِي قَدَّرَ فَهَدَىٰ ٣

87-3 او هغه (رب) چې اندازه يې وكړه، پس لاره يې وښووله

وَٱلَّذِيٓ أَخۡرَجَ ٱلۡمَرۡعَىٰ ٤

87-4 او هغه ذات چې تازه ګياه يې را اېستلې ده

فَجَعَلَهُۥ غُثَآءً أَحۡوَىٰ ٥

87-5 بيا يې هغه وګرځوله وچه توره

سَنُقۡرِئُكَ فَلَا تَنسَىٰٓ ٦

87-6 ژر ده چې مونږ به په تا باندې (قرآن) ولولو، نو ته به يې نه هېروې

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ ٧

87-7 مګر هغه چې الله يې وغواړي، بېشكه دغه (الله) په ښكاره و پوهېږي او په هغه څه چې پټ وي

وَنُيَسِّرُكَ لِلۡيُسۡرَىٰ ٨

87-8 او مونږ به تا ته اسانې لارې ته اسانتیا دركوو

فَذَكِّرۡ إِن نَّفَعَتِ ٱلذِّكۡرَىٰ ٩

87-9 نو ته نصیحت (پند) كوه كه نصیحت كول نفع رسوي (يا بېشكه نصيحت كول نفع رسوي)

سَيَذَّكَّرُ مَن يَخۡشَىٰ ١٠

87-10 ژر ده چې هغه څوك به پند واخلي چې وېرېږي

وَيَتَجَنَّبُهَا ٱلۡأَشۡقَى ١١

87-11 او له دغه (نصیحت) نه به تر ټولو بدبخته ډډه كوي

ٱلَّذِي يَصۡلَى ٱلنَّارَ ٱلۡكُبۡرَىٰ ١٢

87-12 هغه چې تر ټولو لوى اور ته به ننوځي

ثُمَّ لَا يَمُوتُ فِيهَا وَلَا يَحۡيَىٰ ١٣

87-13 بیا به دى په دغه (اور) كې نه مري او نه به ښه ژوند لري

قَدۡ أَفۡلَحَ مَن تَزَكَّىٰ ١٤

87-14 یقینًا هغه څوك كامیاب شو چې پاك شو

وَذَكَرَ ٱسۡمَ رَبِّهِۦ فَصَلَّىٰ ١٥

87-15 او د خپل رب نامه يې یاده كړه، پس لمونځ يې وكړ

بَلۡ تُؤۡثِرُونَ ٱلۡحَيَوٰةَ ٱلدُّنۡيَا ١٦

87-16 بلكې تاسو (په اخرت باندې) دنيايي ژوند غوره كوئ

وَٱلۡأٓخِرَةُ خَيۡرٞ وَأَبۡقَىٰٓ ١٧

87-17 حال دا چې اخرت ډېر غوره او تل ترتله دى

إِنَّ هَٰذَا لَفِي ٱلصُّحُفِ ٱلۡأُولَىٰ ١٨

87-18 بېشكه دا (خبرې) یقینًا په ړومبنیو صحیفو كې هم دي

صُحُفِ إِبۡرَٰهِيمَ وَمُوسَىٰ ١٩

87-19 د ابراهیم او موسی په صحیفو كې