Al-Ghashiyah surasi الغاشية

هَلۡ أَتَىٰكَ حَدِيثُ ٱلۡغَٰشِيَةِ ١

Батаҳқиқ, сенга ғошия хабари келди.

وُجُوهٞ يَوۡمَئِذٍ خَٰشِعَةٌ ٢

Ўшал кунда бир чеҳралар қўрқинч билан тўладир.

عَامِلَةٞ نَّاصِبَةٞ ٣

Улар иш бажарувчидир ва ниҳоятда чарчагандир.

تَصۡلَىٰ نَارًا حَامِيَةٗ ٤

Ўта қизиб турган оловга кирадир.

تُسۡقَىٰ مِنۡ عَيۡنٍ ءَانِيَةٖ ٥

Улар қайнаб турган булоқдан суғориладир.

لَّيۡسَ لَهُمۡ طَعَامٌ إِلَّا مِن ضَرِيعٖ ٦

Уларга тикандан бошқа таом йўқдир.

لَّا يُسۡمِنُ وَلَا يُغۡنِي مِن جُوعٖ ٧

У на семиртирмас ва на очликни кетказмасдир.

وُجُوهٞ يَوۡمَئِذٖ نَّاعِمَةٞ ٨

Ўшал кунда бир чеҳралар неъмат хурсандлиги билан тўладир.

لِّسَعۡيِهَا رَاضِيَةٞ ٩

Улар ўз ишларидан розидир.

فِي جَنَّةٍ عَالِيَةٖ ١٠

Улар олий даражали жаннатдадир.

لَّا تَسۡمَعُ فِيهَا لَٰغِيَةٗ ١١

Унда бекорчи гапларни эшитмаслар.

فِيهَا عَيۡنٞ جَارِيَةٞ ١٢

Унда оқиб турган булоқлар бордир.

فِيهَا سُرُرٞ مَّرۡفُوعَةٞ ١٣

Унда баланд-баланд сўрилар бордир.

وَأَكۡوَابٞ مَّوۡضُوعَةٞ ١٤

Ва тайёрлаб қўйилган қадаҳлар бордир.

وَنَمَارِقُ مَصۡفُوفَةٞ ١٥

Ва саф-саф қилиб тизилган ёстиқлар бордир.

وَزَرَابِيُّ مَبۡثُوثَةٌ ١٦

Ҳамма ёққа тўшалган гиламлар бордир.

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ ١٧

Улар назар солмасми: Туянинг қандай яратилганига?

وَإِلَى ٱلسَّمَآءِ كَيۡفَ رُفِعَتۡ ١٨

Ва осмоннинг қандоқ кўтарилганига?

وَإِلَى ٱلۡجِبَالِ كَيۡفَ نُصِبَتۡ ١٩

Ва тоғларнинг қандоқ ўрнаштирилганига?

وَإِلَى ٱلۡأَرۡضِ كَيۡفَ سُطِحَتۡ ٢٠

Ва ернинг қандоқ текислаб қўйилганига?

فَذَكِّرۡ إِنَّمَآ أَنتَ مُذَكِّرٞ ٢١

Бас, эслатгин, сен, албатта, эслатувчидирсан.

لَّسۡتَ عَلَيۡهِم بِمُصَيۡطِرٍ ٢٢

Сен уларнинг устидан ҳукмингни ўтказувчи эмассан.

إِلَّا مَن تَوَلَّىٰ وَكَفَرَ ٢٣

Илло, ким юз ўгирса ва кофир бўлса...

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ ٢٤

Бас, уни Аллоҳ катта азоб билан азоблайдир.

إِنَّ إِلَيۡنَآ إِيَابَهُمۡ ٢٥

Албатта, уларнинг қайтиши Бизгадир.

ثُمَّ إِنَّ عَلَيۡنَا حِسَابَهُم ٢٦

Сўнгра, албатта, уларнинг ҳисоб-китоби ҳам Бизда бўладир.