سورت الشمس الشمس

وَٱلشَّمۡسِ وَضُحَىٰهَا ١

91-1 قسم دى په لمر باندې او د هغه په رڼا باندې

وَٱلۡقَمَرِ إِذَا تَلَىٰهَا ٢

91-2 اوسپوږمۍ باندې كله چې په ده پسې وروسته راځي

وَٱلنَّهَارِ إِذَا جَلَّىٰهَا ٣

91-3 او په ورځ باندې كله چې دغه (لمر) ښكاره كاندي

وَٱلَّيۡلِ إِذَا يَغۡشَىٰهَا ٤

91-4 او په شپه باندې كله چې دغه (لمر) پټ كاندي (په خپلو تیارو كې)

وَٱلسَّمَآءِ وَمَا بَنَىٰهَا ٥

91-5 او په اسمان باندې او په هغه ذات چې دغه يې جوړ كړى دى

وَٱلۡأَرۡضِ وَمَا طَحَىٰهَا ٦

91-6 او په ځمكه باندې او په هغه ذات چې دغه (ځمكه) يې غوړولې ده

وَنَفۡسٖ وَمَا سَوَّىٰهَا ٧

91-7 او په نفس باندې او په هغه ذات چې دغه يې ښه برابر كړى دى

فَأَلۡهَمَهَا فُجُورَهَا وَتَقۡوَىٰهَا ٨

91-8 نو ده ته يې د ده بدي او د ده تقوٰی (نېكي) الهام كړې (او ورښودلې) ده

قَدۡ أَفۡلَحَ مَن زَكَّىٰهَا ٩

91-9 چې یقینًا كامیاب شو هغه څوك چې دغه (نفس) يې پاك كړ

وَقَدۡ خَابَ مَن دَسَّىٰهَا ١٠

91-10 او یقینًا نامراده شو هغه څوك چې دغه (نفس) يې په خاورو كې پټ كړ

كَذَّبَتۡ ثَمُودُ بِطَغۡوَىٰهَآ ١١

91-11 ثمودیانو د خپلې سركشۍ په سبب (د رسولانو) تكذیب كړى و

إِذِ ٱنۢبَعَثَ أَشۡقَىٰهَا ١٢

91-12 كله چې د دوى لوى بدبخت راپورته شو

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا ١٣

91-13 نو دوى ته د الله رسول وویل: تاسو د الله اوښه او د هغې اوبه څښل پرېږدئ

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا ١٤

91-14 نو دوى د هغه تكذیب وكړ (دروغجن يې وګاڼه) نو دوى د هغې پړكي (لينګي) پرې كړل (او مړه يې كړه) نو په دوى باندې د دوى رب د خپلو ګناهونو په سبب راګېروونكى عذاب راولېږه، نو دغه (ټول) يې (په هلاكت كې) برابر كړل

وَلَا يَخَافُ عُقۡبَٰهَا ١٥

91-15 او دى (الله) د دغه (هلاكت او عذاب) له انجام نه نه وېرېږي