Al-Mursalat surasi المرسلات

وَٱلۡمُرۡسَلَٰتِ عُرۡفٗا ١

Кет-кет юборилганлар билан қасам.

فَٱلۡعَٰصِفَٰتِ عَصۡفٗا ٢

Қаттиқ эсган шамоллар билан қасам.

وَٱلنَّٰشِرَٰتِ نَشۡرٗا ٣

Ва (шариатни) нашр қилувчилар билан қасам.

فَٱلۡفَٰرِقَٰتِ فَرۡقٗا ٤

Фарқловчилар билан қасам.

فَٱلۡمُلۡقِيَٰتِ ذِكۡرًا ٥

Ваҳийни ташувчилар билан қасам.

عُذۡرًا أَوۡ نُذۡرًا ٦

Узрларни ёки огоҳлантиришларни ҳам.

إِنَّمَا تُوعَدُونَ لَوَٰقِعٞ ٧

Албатта, сизга ваъда қилинаётган нарса воқеъ бўлгувчидир.

فَإِذَا ٱلنُّجُومُ طُمِسَتۡ ٨

Бас, вақтики юлдузлар ўчирилса.

وَإِذَا ٱلسَّمَآءُ فُرِجَتۡ ٩

Ва вақтики, осмон ёрилса.

وَإِذَا ٱلۡجِبَالُ نُسِفَتۡ ١٠

Ва вақтики, тоғлар кўчирилса.

وَإِذَا ٱلرُّسُلُ أُقِّتَتۡ ١١

Ва вақтики, Пайғамбарларга вақт белгиланса.

لِأَيِّ يَوۡمٍ أُجِّلَتۡ ١٢

Қандоқ кунга сурилган-а?

لِيَوۡمِ ٱلۡفَصۡلِ ١٣

Ажратиш кунига.

وَمَآ أَدۡرَىٰكَ مَا يَوۡمُ ٱلۡفَصۡلِ ١٤

Ажратиш кунини сенга нима билдирди?

وَيۡلٞ يَوۡمَئِذٖ لِّلۡمُكَذِّبِينَ ١٥

Ўшал кунда ёлғонга чиқарувчиларга вайл бўлсин!

أَلَمۡ نُهۡلِكِ ٱلۡأَوَّلِينَ ١٦

Аввалгиларни ҳалок қилмадикми?

ثُمَّ نُتۡبِعُهُمُ ٱلۡأٓخِرِينَ ١٧

Сўнгра кейингиларини уларга эргаштирмадикми?

كَذَٰلِكَ نَفۡعَلُ بِٱلۡمُجۡرِمِينَ ١٨

Гуноҳкорларни шундоқ қиламиз.

وَيۡلٞ يَوۡمَئِذٖ لِّلۡمُكَذِّبِينَ ١٩

Ўшал кунда ёлғонга чиқарувчиларга вайл бўлсин!

أَلَمۡ نَخۡلُقكُّم مِّن مَّآءٖ مَّهِينٖ ٢٠

Сизларни ҳақир сувдан яратмадикми?

فَجَعَلۡنَٰهُ فِي قَرَارٖ مَّكِينٍ ٢١

Бас, уни мустаҳкам қароргоҳга жойламадикми?!

إِلَىٰ قَدَرٖ مَّعۡلُومٖ ٢٢

Маълум вақтгача.

فَقَدَرۡنَا فَنِعۡمَ ٱلۡقَٰدِرُونَ ٢٣

Бас, Биз қодир бўлдик ва қандоқ ҳам яхши қодир бўлувчимиз. ¹

وَيۡلٞ يَوۡمَئِذٖ لِّلۡمُكَذِّبِينَ ٢٤

Ўшал кунда ёлғонга чиқарувчиларга вайл бўлсин!

أَلَمۡ نَجۡعَلِ ٱلۡأَرۡضَ كِفَاتًا ٢٥

Ерни ўзига тортувчи қилиб қўймадикми?!

أَحۡيَآءٗ وَأَمۡوَٰتٗا ٢٦

Тирикларни ва ўликларни.

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا ٢٧

Ва Биз унда юксак тоғлар қилдик ва сизларни зилол сув билан суғордик.

وَيۡلٞ يَوۡمَئِذٖ لِّلۡمُكَذِّبِينَ ٢٨

Ўшал кунда ёлғонга чиқарувчиларга вайл бўлсин!

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ ٢٩

Юрингиз! Ўзингиз ёлғонга чиқарган нарсага қараб.

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ ٣٠

Юрингиз! Уч шўъбаси бор «соя»га қараб.

لَّا ظَلِيلٖ وَلَا يُغۡنِي مِنَ ٱللَّهَبِ ٣١

У, салқин қилувчимас ва оловни ҳам қайтармас.

إِنَّهَا تَرۡمِي بِشَرَرٖ كَٱلۡقَصۡرِ ٣٢

Албатта, у (жаҳаннам) қасрдек учқунларни отадир.

كَأَنَّهُۥ جِمَٰلَتٞ صُفۡرٞ ٣٣

У (учқун) худди қорамтир-сарғиш туяларга ўхшайдир.

وَيۡلٞ يَوۡمَئِذٖ لِّلۡمُكَذِّبِينَ ٣٤

Ўшал кунда ёлғонга чиқарувчиларга вайл бўлсин!

هَٰذَا يَوۡمُ لَا يَنطِقُونَ ٣٥

Бу, улар гапира олмайдиган кундир.

وَلَا يُؤۡذَنُ لَهُمۡ فَيَعۡتَذِرُونَ ٣٦

Ва уларга узр айтишга изн берилмайдир.

وَيۡلٞ يَوۡمَئِذٖ لِّلۡمُكَذِّبِينَ ٣٧

Ўшал кунда ёлғонга чиқарувчиларга вайл бўлсин!

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ ٣٨

Бу ажратиш куни сизларни ва аввалгиларни жамладик.

فَإِن كَانَ لَكُمۡ كَيۡدٞ فَكِيدُونِ ٣٩

Бас, сизларнинг ҳийлангиз бўлса, Менга ишлатиб кўринг-чи?

وَيۡلٞ يَوۡمَئِذٖ لِّلۡمُكَذِّبِينَ ٤٠

Ўшал кунда ёлғонга чиқарувчиларга вайл бўлсин!

إِنَّ ٱلۡمُتَّقِينَ فِي ظِلَٰلٖ وَعُيُونٖ ٤١

Албатта, тақводорлар соялар ва булоқлардадир.

وَفَوَٰكِهَ مِمَّا يَشۡتَهُونَ ٤٢

Ва ўзлари хоҳлаган мевалардадир.

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ ٤٣

Енглар ва ичинглар, ош бўлсин. Қилган амалларингиз сабабидандир.

إِنَّا كَذَٰلِكَ نَجۡزِي ٱلۡمُحۡسِنِينَ ٤٤

Албатта, Биз муҳсинларни шундай мукофотлармиз.

وَيۡلٞ يَوۡمَئِذٖ لِّلۡمُكَذِّبِينَ ٤٥

Ўшал кунда ёлғонга чиқарувчиларга вайл бўлсин!

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ ٤٦

Енглар ва мазза қилинглар, озгинагина. Албатта, сизлар гуноҳкорсизлар.

وَيۡلٞ يَوۡمَئِذٖ لِّلۡمُكَذِّبِينَ ٤٧

Ўшал кунда ёлғонга чиқарувчиларга вайл бўлсин!

وَإِذَا قِيلَ لَهُمُ ٱرۡكَعُواْ لَا يَرۡكَعُونَ ٤٨

Ва агар уларга рукуъ қилинглар дейилса, рукуъ қилмаслар.

وَيۡلٞ يَوۡمَئِذٖ لِّلۡمُكَذِّبِينَ ٤٩

Ўшал кунда ёлғонга чиқарувчиларга вайл бўлсин!

فَبِأَيِّ حَدِيثِۭ بَعۡدَهُۥ يُؤۡمِنُونَ ٥٠

Бас, ундан кейин қайси сўзга ишонадилар?!