Suratu Al-Mursalat المرسلات

Sura 77
aaya 50
Makkiyya
Juz 29

Ìtumọ̀: Yoruba Translation - Abu Rahimah Mikael

Olùkà

Ìtumọ̀ Kíkà ní lẹ́tà Látìn

بِسۡمِ ٱللَّهِ ٱلرَّحۡمَٰنِ ٱلرَّحِيمِ

77:1

وَٱلۡمُرۡسَلَٰتِ عُرۡفٗا ١

Wal-mursalāti 'urfā

Allāhu fi àwọn atẹ́gùn tó ń sáré ní tẹ̀léǹtẹ̀lé búra.

77:2

فَٱلۡعَٰصِفَٰتِ عَصۡفٗا ٢

Fal-'āsifāti 'asfā

Ó fi àwọn ìjì atẹ́gùn tó ń jà búra.

77:3

وَٱلنَّٰشِرَٰتِ نَشۡرٗا ٣

Wan-nāshirāti nashrā

Ó fi àwọn atẹ́gùn tó ń tú èṣújò ká búra.

77:4

فَٱلۡفَٰرِقَٰتِ فَرۡقٗا ٤

Fal-fāriqāti farqā

Ó fi àwọn tó ń ṣèpínyà láààrin òdodo àti irọ́ búra.

77:5

فَٱلۡمُلۡقِيَٰتِ ذِكۡرًا ٥

Fal-mulqiyāti dhikrā

Ó fi àwọn mọlāika tó ń mú ìrántí wá (bá àwọn Òjíṣẹ́) búra.

77:6

عُذۡرًا أَوۡ نُذۡرًا ٦

'Udhran aw nudhrā

(Ìrántí náà jẹ́) àwíjàre tàbí ìkìlọ̀.

77:7

إِنَّمَا تُوعَدُونَ لَوَٰقِعٞ ٧

Innamā tū'adūna lawāqi'

Dájúdájú ohun tí A ṣe ní àdéhùn fún yín kúkú máa ṣẹlẹ̀.

77:8

فَإِذَا ٱلنُّجُومُ طُمِسَتۡ ٨

Fa idhan-nujūmu tumisat

Nítorí náà, nígbà tí wọ́n bá pa (ìmọ́lẹ̀) ìràwọ̀ rẹ́,

77:9

وَإِذَا ٱلسَّمَآءُ فُرِجَتۡ ٩

Wa idhas-samā'u furijat

àti nígbà tí wọ́n bá ṣí sánmọ̀ sílẹ̀ gbagada,

77:10

وَإِذَا ٱلۡجِبَالُ نُسِفَتۡ ١٠

Wa idhal-jibālu nusifat

àti nígbà tí wọ́n bá ku àwọn àpáta dànù,

77:11

وَإِذَا ٱلرُّسُلُ أُقِّتَتۡ ١١

Wa idhar-rusulu uqqitat

àti nígbà tí wọ́n bá fún àwọn Òjíṣẹ́ ní àsìkò láti kójọ (pẹ̀lú ìjọ wọn),

77:12

لِأَيِّ يَوۡمٍ أُجِّلَتۡ ١٢

Li ayyi yawmin ujjilat

ọjọ́ wo ni wọ́n so (àwọn ìṣẹ̀lẹ̀ wọ̀nyí) rọ̀ fún ná?

77:13

لِيَوۡمِ ٱلۡفَصۡلِ ١٣

Liyawmil-fasl

Fún ọjọ́ ìpínyà (láààrin àwọn ẹ̀dá) ni.

77:14

وَمَآ أَدۡرَىٰكَ مَا يَوۡمُ ٱلۡفَصۡلِ ١٤

Wamā adrāka mā yawmul-fasl

Kí sì ni ó mú ọ mọ ohun tó ń jẹ́ Ọjọ́ ìpínyà?

77:15

وَيۡلٞ يَوۡمَئِذٖ لِّلۡمُكَذِّبِينَ ١٥

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́.

77:16

أَلَمۡ نُهۡلِكِ ٱلۡأَوَّلِينَ ١٦

Alam nuhlikil-awwalīn

Ǹjẹ́ Àwa kò ti pa àwọn ẹni àkọ́kọ́ rẹ́ bí?

77:17

ثُمَّ نُتۡبِعُهُمُ ٱلۡأٓخِرِينَ ١٧

Thumma nutbi'uhumul-ākhirīn

Lẹ́yìn náà, A sì máa fi àwọn ẹni Ìkẹ́yìn tẹ̀lé wọn (nínú ìparun).

77:18

كَذَٰلِكَ نَفۡعَلُ بِٱلۡمُجۡرِمِينَ ١٨

Kadhālika naf'alu bil-mujrimīn

Báyẹn ni A ó ti ṣe pẹ̀lú àwọn ẹlẹ́ṣẹ̀.

77:19

وَيۡلٞ يَوۡمَئِذٖ لِّلۡمُكَذِّبِينَ ١٩

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́.

77:20

أَلَمۡ نَخۡلُقكُّم مِّن مَّآءٖ مَّهِينٖ ٢٠

Alam nakhlukkum mim mā'im mahīn

Ṣé A kò ṣẹ̀dá yin láti inú omi lílẹ yẹpẹrẹ bí?

77:21

فَجَعَلۡنَٰهُ فِي قَرَارٖ مَّكِينٍ ٢١

Faja'alnāhu fī qarārim makīn

Lẹ́yìn náà, A fi sínú àyè ààbò (ìyẹn, ilé-ọmọ)

77:22

إِلَىٰ قَدَرٖ مَّعۡلُومٖ ٢٢

Ilā qadarim ma'lūm

títí di gbèdéke àkókò kan tí A ti mọ̀ (ìyen, ọjọ́ ìbímọ).

77:23

فَقَدَرۡنَا فَنِعۡمَ ٱلۡقَٰدِرُونَ ٢٣

Faqadarnā fani'mal-qādirūn

A sì ní ìkápá àti àyànmọ́ (lórí rẹ̀. Àwa sì ni) Olùkápá àti Olùpèbùbù ẹ̀dá tó dára.

77:24

وَيۡلٞ يَوۡمَئِذٖ لِّلۡمُكَذِّبِينَ ٢٤

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́.

77:25

أَلَمۡ نَجۡعَلِ ٱلۡأَرۡضَ كِفَاتًا ٢٥

Alam naj'alil-arda kifātā

Ǹjẹ́ Àwa kò ṣe ilẹ̀ ní ohun tó ń kó ẹ̀dá jọ mọ́ra wọn;

77:26

أَحۡيَآءٗ وَأَمۡوَٰتٗا ٢٦

Ahyā'an wa amwātā

(ìyẹn) àwọn alààyè àti àwọn òkú?

77:27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا ٢٧

Waja'alnā fīhā rawāsiya shāmikhātin wa asqaynākum mā'an furātā

A sì fi àwọn àpáta gbagidi gíga-gíga sínú rẹ̀. A sì fún yín ní omi dídùn mu.

77:28

وَيۡلٞ يَوۡمَئِذٖ لِّلۡمُكَذِّبِينَ ٢٨

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́.

77:29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ ٢٩

Intaliqū ilā mā kuntum bihī tukaddhibūn

Ẹ máa lọ sí ibi tí ẹ̀ ń pè ní irọ́.

77:30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ ٣٠

Intaliqū ilā zillin dhī thalāthi shu'ab

Ẹ máa lọ sí ibi èéfín ẹlẹ́ka mẹ́ta.

77:31

لَّا ظَلِيلٖ وَلَا يُغۡنِي مِنَ ٱللَّهَبِ ٣١

Llā zalīlin walā yughnī minal-lahab

Kì í ṣe ibòji tútù. Kò sì níí rọ̀ wọ́n lọ́rọ̀ nínú ìjòfòfò Iná.

77:32

إِنَّهَا تَرۡمِي بِشَرَرٖ كَٱلۡقَصۡرِ ٣٢

Innahā tarmī bishararin kal-qasr

Dájúdájú (Iná náà) yóò máa ju ẹ̀tapàrà (rẹ̀ sókè tó máa dà) bí pẹ̀tẹ́ẹ̀sì.

77:33

كَأَنَّهُۥ جِمَٰلَتٞ صُفۡرٞ ٣٣

Ka annahū jimālatun sufr

(Ó máa dà) bí àwọn ràkúnmí aláwọ̀ omi ọsàn.

77:34

وَيۡلٞ يَوۡمَئِذٖ لِّلۡمُكَذِّبِينَ ٣٤

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́

77:35

هَٰذَا يَوۡمُ لَا يَنطِقُونَ ٣٥

Hādhā yawmu lā yantiqūn

Èyí ni ọjọ́ tí wọn kò níí sọ̀rọ̀.

77:36

وَلَا يُؤۡذَنُ لَهُمۡ فَيَعۡتَذِرُونَ ٣٦

Walā yu'dhanu lahum faya'tadhirūn

A kò sì níí yọ̀ǹda (ọ̀rọ̀ sísọ) fún wọn, áḿbọ̀sìbọ́sí pé wọ́n yóò mú àwáwí wá.

77:37

وَيۡلٞ يَوۡمَئِذٖ لِّلۡمُكَذِّبِينَ ٣٧

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́.

77:38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ ٣٨

Hādhā yawmul-fasli jama'nākum wal-awwalīn

Èyí ni ọjọ́ ìpínyà. Àwa yó sì kó ẹ̀yin àti àwọn ẹni àkọ́kọ́ jọ.

77:39

فَإِن كَانَ لَكُمۡ كَيۡدٞ فَكِيدُونِ ٣٩

Fa in kāna lakum kaydun fakīdūn

Tí ẹ bá ní ète kan lọ́wọ́, ẹ déte sí Mi wò.

77:40

وَيۡلٞ يَوۡمَئِذٖ لِّلۡمُكَذِّبِينَ ٤٠

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́.

77:41

إِنَّ ٱلۡمُتَّقِينَ فِي ظِلَٰلٖ وَعُيُونٖ ٤١

Innal-muttaqīna fī zilālin wa'uyūn

Dájúdájú àwọn olùbẹ̀rù Allāhu yóò wà níbi ibòji àti àwọn omi ìṣẹ́lẹ̀rú,

77:42

وَفَوَٰكِهَ مِمَّا يَشۡتَهُونَ ٤٢

Wafawākiha mimmā yashtahūn

àti àwọn èso èyí tí wọ́n bá ń fẹ́.

77:43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ ٤٣

Kulū washrabū hanī'ā bimā kuntum ta'malūn

Ẹ jẹ, kí ẹ sì mu pẹ̀lú ìgbádùn nítorí ohun tí ẹ̀ ń ṣe níṣẹ́.

77:44

إِنَّا كَذَٰلِكَ نَجۡزِي ٱلۡمُحۡسِنِينَ ٤٤

Innā kadhālika najzil-muhsinīn

Dájúdájú báyẹn ni Àwa ṣe ń san àwọn olùṣe-rere ní ẹ̀san (rere).

77:45

وَيۡلٞ يَوۡمَئِذٖ لِّلۡمُكَذِّبِينَ ٤٥

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́.

77:46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ ٤٦

Kulū watamatta'ū qalīlan innakum mujrimūn

Ẹ jẹ, kí ẹ sì gbádùn fún ìgbà díẹ̀. Dájúdájú ẹlẹ́ṣẹ̀ ni yín.

77:47

وَيۡلٞ يَوۡمَئِذٖ لِّلۡمُكَذِّبِينَ ٤٧

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́.

77:48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ ٤٨

Wa idhā qīla lahumurka'ū lā yarka'ūn

Nígbà tí wọ́n bá sọ fún wọn pé kí wọ́n kírun, wọn kò níí kírun.

77:49

وَيۡلٞ يَوۡمَئِذٖ لِّلۡمُكَذِّبِينَ ٤٩

Waylun yawma'idhil lil-mukaddhibīn

Ègbé ni ní ọjọ́ yẹn fún àwọn olùpe-òdodo-nírọ́.

77:50

فَبِأَيِّ حَدِيثِۭ بَعۡدَهُۥ يُؤۡمِنُونَ ٥٠

Fabi'ayyi hadīthi ba'dahū yu'minūn

Nígbà náà, ọ̀rọ̀ wo ni wọn yóò gbàgbọ́ lẹ́yìn rẹ̀?¹

Àwọn nọ́mbà àlàyé ìsàlẹ̀ máa ń mú ọ lọ sí ojú-ewé aaya náà, níbi tí àlàyé olùtúmọ̀ wà.

Kíkà ní lẹ́tà Látìn jẹ́ ìrànlọ́wọ́ fún kíkà tí Qabas kọ láti inú èdè Lárúbáwá. Kọ́ àwọn lẹ́tà Lárúbáwá àti tajwīd fún ìpè tó péye.

Àwọn ìbéèrè

Aaya mélòó ló wà nínú Suratu Al-Mursalat?

Suratu Al-Mursalat ní aaya 50. Òun ni sura nọ́mbà 77 nínú Al-Kurani.

Ṣé Suratu Al-Mursalat jẹ́ Makkiyya tàbí Madaniyya?

Suratu Al-Mursalat jẹ́ sura Makkiyya.

Juz wo ni Suratu Al-Mursalat wà?

Suratu Al-Mursalat wà nínú Juz 29.

Ṣé mo lè gbọ́ Suratu Al-Mursalat?

Bẹ́ẹ̀ni. Tẹ Bẹ̀rẹ̀ ní òkè ojú-ewé yìí, tàbí bẹ̀rẹ̀ láti aaya èyíkéyìí. Àpù Qabas tún jẹ́ kí o gbà á sílẹ̀ láti gbọ́ ọ láìsí ayélujára.