QabasSomo la 1 kati ya 11
Je, Waislamu wanamwabudu Mungu yule yule wa Wayahudi na Wakristo?
Jibu kwa ufupi
Waislamu wanamwabudu Mungu wa Ibrahim, Musa na Isa, Yule aliyeumba kila kitu. “Allah” ni jina la Kiarabu la Mungu, na Wakristo Waarabu nao hulitumia. Kurani inawaambia Waislamu waseme kwa Wayahudi na Wakristo: “Mungu wetu na Mungu wenu ni Mmoja.” Hata hivyo, Waislamu wanatofautiana nao katika imani muhimu kuhusu Mungu, kama Utatu, ambao Uislamu unaukataa, na wanamwalika kila mtu amwabudu Yeye peke yake bila mshirika.
Limeandikwa na Qabas na kuhakikiwa kwa kulinganishwa na Al-Mukhtasar fi Tafsir al-Qur'an al-Karim, Tafsir Ibn Kathir na maelezo ya HadeethEnc.com.
Kutoka Kurani
۞ وَلَا تُجَٰدِلُوٓاْ أَهۡلَ ٱلۡكِتَٰبِ إِلَّا بِٱلَّتِي هِيَ أَحۡسَنُ إِلَّا ٱلَّذِينَ ظَلَمُواْ مِنۡهُمۡۖ وَقُولُوٓاْ ءَامَنَّا بِٱلَّذِيٓ أُنزِلَ إِلَيۡنَا وَأُنزِلَ إِلَيۡكُمۡ وَإِلَٰهُنَا وَإِلَٰهُكُمۡ وَٰحِدٞ وَنَحۡنُ لَهُۥ مُسۡلِمُونَ ﴿٤٦﴾
Wala msijadiliane na Watu wa Kitabu ila kwa njia iliyo nzuri kabisa, isipo kuwa wale walio dhulumu miongoni mwao. Na semeni: Tumeyaamini yaliyo teremshwa kwetu na yaliyo teremshwa kwenu. Na Mungu wetu na Mungu wenu ni Mmoja. Na sisi ni wenye kusilimu kwake.
قُلۡ يَٰٓأَهۡلَ ٱلۡكِتَٰبِ تَعَالَوۡاْ إِلَىٰ كَلِمَةٖ سَوَآءِۭ بَيۡنَنَا وَبَيۡنَكُمۡ أَلَّا نَعۡبُدَ إِلَّا ٱللَّهَ وَلَا نُشۡرِكَ بِهِۦ شَيۡـٔٗا وَلَا يَتَّخِذَ بَعۡضُنَا بَعۡضًا أَرۡبَابٗا مِّن دُونِ ٱللَّهِۚ فَإِن تَوَلَّوۡاْ فَقُولُواْ ٱشۡهَدُواْ بِأَنَّا مُسۡلِمُونَ ﴿٦٤﴾
Sema: Enyi Watu wa Kitabu! Njooni kwenye neno lilio sawa baina yetu na nyinyi: Ya kwamba tusimuabudu yeyote ila Mwenyezi Mungu, wala tusimshirikishe na chochote; wala tusifanyane sisi kwa sisi kuwa Waola Walezi badala ya Mwenyezi Mungu. Na wakigeuka basi semeni: Shuhudi- eni ya kwamba sisi ni Waislamu.