Al-Inshiqaq surasi الإنشقاق

إِذَا ٱلسَّمَآءُ ٱنشَقَّتۡ ١

Вақтики, осмон ёрилса.

وَأَذِنَتۡ لِرَبِّهَا وَحُقَّتۡ ٢

У(осмон) ўз Роббисига қулоқ осди, бўйсунди ва шундоқ бўлиши керак эди.

وَإِذَا ٱلۡأَرۡضُ مُدَّتۡ ٣

Ва вақтики, ер чўзилса.

وَأَلۡقَتۡ مَا فِيهَا وَتَخَلَّتۡ ٤

Ва ўз ичидаги нарсаларни отиб чиқариб, холи қолса.

وَأَذِنَتۡ لِرَبِّهَا وَحُقَّتۡ ٥

У(ер) ўз Роббисига қулоқ осди, бўйсунди ва шундоқ бўлиши керак эди.

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ ٦

Эй инсон! Албатта, сен Роббингга йўлиққунингча, ҳаракату уринишда бўласан ва охири унга йўлиқасан ҳам.

فَأَمَّا مَنۡ أُوتِيَ كِتَٰبَهُۥ بِيَمِينِهِۦ ٧

Аммо кимнинг китоби ўнг тарафдан берилса.

فَسَوۡفَ يُحَاسَبُ حِسَابٗا يَسِيرٗا ٨

Тезда, осонгина ҳисоб қилинур.

وَيَنقَلِبُ إِلَىٰٓ أَهۡلِهِۦ مَسۡرُورٗا ٩

Ва аҳли ҳузурига хурсанд ҳолда қайтиб борур.

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ ١٠

Ва аммо кимнинг китоби орқа тарафдан берилса...

فَسَوۡفَ يَدۡعُواْ ثُبُورٗا ١١

У тезда ўзига ҳалокатни чақирур.

وَيَصۡلَىٰ سَعِيرًا ١٢

Ва қизиб турган дўзахга кирур.

إِنَّهُۥ كَانَ فِيٓ أَهۡلِهِۦ مَسۡرُورًا ١٣

Чунки, у (бу дунёда) ўз аҳли билан хурсанд бўлиб ўтган эди. ¹

إِنَّهُۥ ظَنَّ أَن لَّن يَحُورَ ١٤

Чунки, у ҳеч қачон орқага қайтмасликни ўйлаган эди.

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا ١٥

Ҳа! Албатта, Робби уни доим кўриб турувчи эди.

فَلَآ أُقۡسِمُ بِٱلشَّفَقِ ١٦

Шафақ билан қасамки.

وَٱلَّيۡلِ وَمَا وَسَقَ ١٧

Кечаси ва у ўраб олган нарсалар билан қасамки.

وَٱلۡقَمَرِ إِذَا ٱتَّسَقَ ١٨

Ва тўлин ой билан қасамки.

لَتَرۡكَبُنَّ طَبَقًا عَن طَبَقٖ ١٩

Албатта, сизлар табақама-табақа минасизлар.

فَمَا لَهُمۡ لَا يُؤۡمِنُونَ ٢٠

Нима бўлган уларга, иймон келтирмаслар?!

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩ ٢١

Ва агар уларга Қуръон ўқилса, сажда қилмаслар. ²

بَلِ ٱلَّذِينَ كَفَرُواْ يُكَذِّبُونَ ٢٢

Балки кофирлар ёлғонга чиқарурлар.

وَٱللَّهُ أَعۡلَمُ بِمَا يُوعُونَ ٢٣

Улар (қалбларида) нимани сақлаётганларини Аллоҳнинг Ўзи биладир.

فَبَشِّرۡهُم بِعَذَابٍ أَلِيمٍ ٢٤

Уларга аламли азобнинг «башоратини» бер.

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ ٢٥

Илло, иймон келтирганларга ва яхши амаллар қилганларга миннатсиз, узлуксиз ажрлар бор.