QabasRamadhani 2027
Tarehe inayotarajiwa
Jumatatu, 8 Februari 2027
1 Ramadhani 1448 AH
Hadi Jumatatu, 8 Machi 2027
Tarehe zinafuata kalenda ya Umm al-Qura ya Saudi Arabia. Mahali ambapo mwezi huanza kwa kuonekana kwa mwezi mwandamo katika eneo hilo, tarehe inaweza kuwa mapema au kuchelewa kwa siku moja.
Ramadhani ni mwezi wa tisa wa kalenda ya Hijria na mwezi wa saumu ya faradhi. Waislamu hufunga kila siku kuanzia alfajiri hadi jua kuzama kwa siku 29 au 30, na Qur'ani ilianza kuteremshwa ndani yake.
Kutoka Qur'ani na Sunna
- Funga kila siku ya mwezi, kuanzia alfajiri hadi jua kuzama. (Qur'ani 2:183)
- Swali usiku (Tarawehe) kwa imani na kutarajia malipo. (Bukhari na Muslim)
- Kula daku kabla ya alfajiri, kwa sababu kuna baraka ndani yake. (Bukhari na Muslim)
- Soma Qur'ani na toa kwa ukarimu, kama alivyofanya Mtume ﷺ katika Ramadhani. (Bukhari na Muslim)
Hadithi
عن أبي هريرة رضي الله عنه قال: قال رسول الله صلى الله عليه وسلم: «مَنْ صَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ» Imepokewa Kutoka kwa Abuu Huraira -Radhi za Allah ziwe juu yake- amesema: Amesema Mtume -Rehema na amani ziwe juu yake-: "Atakayefunga Ramadhani kwa imani na kutaraji malipo toka kwa Allah, atasamehewa madhambi yake yaliyotangulia"
Maelezo
Anaeleza Mtume -Rehema na amani ziwe juu yake- kuwa atakayefunga mwezi wa Ramadhani kwa kumuamini Mwenyezi Mungu, na kwa kuitakidi ulazima wa swaumu na yale aliyoyaahidi Mwenyezi Mungu Mtukufu kwa wafungaji kuwa na malipo makubwa na thawabu, akikusudia kupata radhi za Allah Mtukufu si kwa kutaka kujionyesha au kusikika, yatasamehewa kwake madhambi yake yaliyopita.
عن أَنَسِ بْنِ مَالِكٍ رَضِيَ اللَّهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ: «تَسَحَّرُوا، فَإِنَّ فِي السَّحُورِ بَرَكَةً». Imepokelewa kutoka kwa Anasi bin Maliki -radhi za Allah ziwe juu yake- amesema: Amesema Mtume -rehema na amani ziwe juu yake-: "Chelewesheni kula daku, hakika katika kuchelewesha kula daku kuna baraka".
Maelezo
Amehimiza Mtume rehema na amani ziwe juu yake kula daku, nako ni kula mwisho wa usiku ili kujiandaa kwa ajili ya swaumu; kwa sababu ndani yake kuna baraka, na kheri nyingi, yakiwemo malipo na thawabu, na kusimama katika wakati wa mwisho kwa ajili ya kuomba dua, na kupata nguvu kwa ajili ya swaumu, na kupata uchangamfu kwa ajili yake, na kupunguza uzito wake.
عَنِ ابْنِ عَبَّاسٍ رضي الله عنهما قَالَ: كَانَ رَسُولُ اللَّهِ صَلَّى اللهُ عَلَيْهِ وَسَلَّمَ أَجْوَدَ النَّاسِ، وَكَانَ أَجْوَدُ مَا يَكُونُ فِي رَمَضَانَ حِينَ يَلْقَاهُ جِبْرِيلُ، وَكَانَ يَلْقَاهُ فِي كُلِّ لَيْلَةٍ مِنْ رَمَضَانَ فَيُدَارِسُهُ القُرْآنَ، فَلَرَسُولُ اللَّهِ صَلَّى اللهُ عَلَيْهِ وَسَلَّمَ أَجْوَدُ بِالخَيْرِ مِنَ الرِّيحِ المُرْسَلَةِ. Imepokelewa kutoka kwa bin Abbas -radhi za Mwenyezi Mungu ziwe juu yao- amesema: Alikuwa Mtume wa Allah -rehema na amani ziwe juu yake ni mkarimu kuliko watu wote, na alikuwa mkarimu zaidi anapokuwa katika mwezi wa Ramadhani pindi anapokutana na Jibrili, na alikuwa akikutana naye katika kila usiku wa Ramadhani akimsomesha Qur'ani, basi hakika Mtume wa Mwenyezi Mungu -rehema na Amani ziwe juu yake- ni mkarimu zaidi kwa mambo ya kheri kuliko hata upepo uliotumwa.
Maelezo
Mtume rehema na amani ziwe juu yake alikuwa mkarimu zaidi kuliko watu wote katika mwezi wa Ramadhani, kiasi ambacho alikuwa akitoa kinachostahiki kumpa anayestahiki, na sababu ya kuzidisha ukarimu huu ni mambo mawili: La kwanza: Ni kukutana kwake na Jibril amani iwe juu yake. Na jambo jingine: Ni kuirejea Qur'ani, nayo ni kuisoma pasina kutazama mahali ilipoandikwa. Kwa hiyo Jibril, amani iwe juu yake, alisoma naye kila kilichoteremshwa katika Qur'ani, na Mtume wa Mwenyezi Mungu rehema na amani ziwe juu yake ni mkarimu zaidi, na ni mtenda kheri zaidi, na ni mwepesi wa kunufaisha viumbe kuliko upepo mzuri anaoutuma Mwenyezi Mungu kwa ajili ya mvua na rehema.
Tazama pia
Miaka mingine
Matukio mengine
Mwaka Mpya wa Kiislamu 2027Ashura 2027Israa na Miraji 2027Laylatul Qadr 2027Idd el-Fitr 2027Siku ya Arafa 2027Idd el-Hajj 2027 Kalenda ya Kiislamu 1448 AH
Maswali
Ramadhani 2027 ni lini?
Ramadhani 2027 inatarajiwa kuanza Jumatatu, 8 Februari 2027, ambayo ni 1 Ramadhani 1448 AH kwa kalenda ya Umm al-Qura.
Je, tarehe ya Ramadhani imethibitishwa?
Hapana, mpaka mwezi mwandamo uonekane. Nchi nyingi hutangaza mwanzo wa mwezi jioni ya kabla yake, kwa hiyo tarehe inaweza kusogea kwa siku moja.
Ramadhani ina siku ngapi?
Ramadhani ina siku 29 au 30. Inamalizika mwezi wa Shawwal unapoonekana, na Idd el-Fitr ni siku inayofuata.