اللہ کے پیارے نام

اللہ کا ہر نام عربی میں، اس کے معنی کی شرح کے ساتھ۔

1. 1 الله

   اللہ

   اللہ : جو حقیقی طور پر عبادت کے لائق اور پرستش کا سزاوار ہے اور اس بات کا حق دار ہے کہ اس سے محبت کی جائے، امیدیں وابستہ کی جائیں اور ڈرا جائے۔ یہ لفظ اللہ کے تمام اسمائے حسنی کا جامع اور اس کی تمام صفات کو شامل ہے۔

   TerminologyEnc.com پر پڑھیں

2. 2 الرَّبّ

   رب

   رب : آقا، مالک، مصلح اور اپنی حسن تدبیر اور طرح طرح کی نعمتوں کے ذریعے تمام بندوں کی تربیت کرنے والا۔

   TerminologyEnc.com پر پڑھیں

3. 3 الرَّحْمن

   رحمان

   رحمان : لامحدود اور بے پناہ رحمتوں والا، جس کی رحمت کے دائرے سے کوئی چیز باہر نہیں۔

   TerminologyEnc.com پر پڑھیں

4. 4 الرَّحِيْم

   رحیم

   رحیم: بڑی رحمتوں والا، جس کی رحمت مخلوق سے جڑی ہوئی ہے۔

   TerminologyEnc.com پر پڑھیں

5. 5 الحَيّ

   زندہ

   الحَيّ (زندہ) : وہ ذات جس کے اندر کامل حیات کا وصف اپنے سارے رنگ و روپ کے ساتھ موجود ہے، نہ اس نے عدم کو دیکھا ہے اور نہ اسے فنا ہونا ہے۔

   TerminologyEnc.com پر پڑھیں

6. 6 القَيُّوْم

   سب کو تھامنے والا

   القَيُّوْم (سب کو تھامنے والا) : جو بذات خود قائم ہے اور کسی کا محتاج نہیں ہے، جب کہ دیگر ساری چیزیں اسی سے وجود پذیر ہوئی ہیں اور کوئی بھی اس سے بے نیاز نہیں ہے۔

   TerminologyEnc.com پر پڑھیں

7. 7 الوَاحِد

   ایک

   الوَاحِد (ایک) : وہ ہستی جو اپنی ذات، صفات اور افعال میں کامل و مکمل ہونے کی وجہ سے منفرد و یگانہ ہے اور مذکورہ چیزوں میں نہ تو کوئی اس کا ساجھی ہے اور نہ ہی شریک ۔

   TerminologyEnc.com پر پڑھیں

8. 8 الأَحَد

   یکتا

   الأَحَد (یکتا) : وہ ذات، جو اپنی ربوبیت، الوہیت اور اسما و صفات کے تمام کمالات میں یکتا اور بے مثل ہو اور ان صفات میں اس کا کوئی ساجھی و شریک نہ ہو۔

   TerminologyEnc.com پر پڑھیں

9. 9 الأَوَّل

   اوّل

   اول : جس سے پہلے کچھ نہ ہو۔

   TerminologyEnc.com پر پڑھیں

10. 10 الآخِر

    آخر

    آخر : جس کے بعد کچھ نہ ہو

    TerminologyEnc.com پر پڑھیں

11. 11 الظَّاهِر

    ظاہر

    ظاہر : وہ جس سے اوپر کچھ نہ ہو۔

    TerminologyEnc.com پر پڑھیں

12. 12 البَاطِن

    باطن

    باطن : جس سے کوئی چیز مخفی نہ ہو۔

    TerminologyEnc.com پر پڑھیں

13. 13 الوَارِث

    وارث

    وارث : جو مخلوق کے فنا ہونے کے بعد باقی رہے گا نیز زمین اور اس کے اوپر کی ساری چیزوں کا وارث ہو گا۔

    TerminologyEnc.com پر پڑھیں

14. 14 القُدُّوْس

    ہر نقص و عیب سے پاک

    القُدُّوس (ہر نقص و عیب سے پاک) : ہر طرح کی کمیوں سے پاک اور اس بات سے بالا و برتر کہ اس کی کوئی مخلوق اس کی طرح ہو۔

    TerminologyEnc.com پر پڑھیں

15. 15 السُّبُّوْح

    ہر عیب سے پاک

    السُّبُّوْح (ہر عیب سے پاک) : جو ساری خامیوں اور عیبوں سے پاک ہے اور آسمانوں اور زمین کی ساری چیزیں جس کی پاکی بیان کرتی ہیں۔

    TerminologyEnc.com پر پڑھیں

16. 16 السَّلَام

    نقائص اور عیوب سے پاک

    نقائص و عیوب سے پاک : وہ ذات، جو ہر نقص، آفت اور عیب سے پاک ہو۔

    TerminologyEnc.com پر پڑھیں

17. 17 المُؤْمِن

    تصدیق کرنے والا اور امن دینے والا

    المُؤْمِن (تصدیق کرنے والا اور امن دینے والا) : جو اپنے نبیوں کو دلیلیں اور معجزے عطا کرکے ان کی سچائی کو عالم آشکارا کرتا ہے اور اپنے مکمل وصف عدل کی بنیاد پر مخلوقات کو ظلم سے محفوظ رکھتا ہے۔

    TerminologyEnc.com پر پڑھیں

18. 18 الحَقّ

    حق

    حق : وہ ذات جس کی ہستی اور وجود متحقق ہے اور جس کے اسما، صفات، افعال، احکام اور جزا سب کامل اور حق ہیں اور اس میں باطل کا کوئی گزر نہیں ہے۔

    TerminologyEnc.com پر پڑھیں

19. 19 المُتَكَبِّر

    بڑائی والا

    المُتَكَبِّر (بڑائی والا) : وہ ذات جو اس قدر کامل اور صاحب جلال ہے کہ ہر برائی، نقص اور عیب سے برتر و بالا ہے۔

    TerminologyEnc.com پر پڑھیں

20. 20 العَظِيْم

    عظیم

    عظیم : وہ ذات جس کے اندر کمال، بزرگی، بڑائی اور عظمت کی تمام صفتیں پائی جاتی ہیں اور جس کی محبت دلوں میں بسی ہوئی ہے اور جس کی عظمت کی خوشبو ہر روح میں سمائی ہوئی ہے۔

    TerminologyEnc.com پر پڑھیں

21. 21 الكَبِيْر

    بڑا

    الكَبِيْر (بڑا) : وہ ذات جس سے بڑی کوئی چیز نہیں اور ہر چیز اس سے چھوٹی ہے۔

    TerminologyEnc.com پر پڑھیں

22. 22 العَلِيّ

    بہت بلند

    العَلِيّ (بہت بلند) : وہ ذات جو اپنی ہستی، مقام و مرتبہ اور غلبہ الغرض ہر اعتبار سے بلند و بالا ہے۔

    TerminologyEnc.com پر پڑھیں

23. 23 الأَعْلَى

    اعلی

    اعلی : اللہ کا ایسا نام جو بلندی و برتری کے تمام معانی کو اللہ کے لیے ثابت کرنے پر دلالت کرتا ہے۔ ذات کے اعتبار سے بھی اور مقام و مرتبے اور طاقت و قوت کے اعتبار سے بھی۔

    TerminologyEnc.com پر پڑھیں

24. 24 المُتَعَال

    بلند مرتبہ والا

    المُتَعال (بلند مرتبے والا) : یہ ایک ایسا اسم ہے جو اس بات پر دلالت کرتا ہے کہ اللہ اپنی ذات، مقام و مرتبہ اور طاقت و قوت، الغرض ہر اعتبار سے بلند و برتر ہے۔

    TerminologyEnc.com پر پڑھیں

25. 25 اللَّطِيْف

    باریک بیں

    اللطِيْف (باریک بیں) : جس سے کوئی چیز، خواہ کتنی چھوٹی ہو، چھپی نہیں رہتی اور جو اپنے بندوں کے ساتھ احسان و نرمی کا برتاؤ کرتا ہے اور انھیں ایسے کاموں کی توفیق دیتا ہے جو ان کے حق میں اچھے ہوں۔

    TerminologyEnc.com پر پڑھیں

26. 26 الحَكِيْم

    حکمت والا

    الحَكِيْم (حکمت والا) : وہ ذات جو اپنے اوامر اور تشریعات میں کامل حکمت والی اور مخلوقات کے درمیان فیصلہ کرنے میں کامل و مکمل ہے۔

    TerminologyEnc.com پر پڑھیں

27. 27 الوَاسِع

    کشادگی والا

    الوَاسِع (کشادگی والا) : وہ جس کے اندر ساری خوبیاں اور اچھائیاں بدرجۂ اتم اور کامل ترین مقدار میں پائی جاتی ہیں۔

    TerminologyEnc.com پر پڑھیں

28. 28 العَلِيْم

    جاننے والا

    العَلِيمُ (جاننے والا) : وہ ذات جس نے ہر چیز کو اپنے علم کے دائرے میں لے رکھا ہے۔

    TerminologyEnc.com پر پڑھیں

29. 29 المَلِك

    بادشاہ

    المَلِك (بادشاہ) : جو عظمت، غلبہ اور تدبیر کی صفات سے متصف ہے، تمام چیزوں کا مالک ہے اور ان کے بارے میں جیسے چاہتا ہے تصرف کرتا ہے۔

    TerminologyEnc.com پر پڑھیں

30. 30 الحَمِيْد

    قابل تعریف

    قابل تعریف : یہ ایسا اسم ہے جو یہ بتلاتا ہے کہ ساری تعریفیں اللہ کےلیے ہیں اور سارے کمال اسی کو حاصل ہیں۔ وہ تعریف کا مستحق اس لیے ہے کہ وہ اپنی ذات، اسما و صفات اور افعال میں کامل ہے۔

    TerminologyEnc.com پر پڑھیں

31. 31 الخَبِيْر

    خبر رکھنے والا

    خبر رکھنے والا : جو تمام چیزوں کے ظاہر و باطن سے واقف ہو۔

    TerminologyEnc.com پر پڑھیں

32. 32 المَجِيْد

    بزرگی والا

    المَجِيْد (بزرگی والا) : اوصاف کمال میں سے متعدد عظیم اور ہمہ گیر اوصاف سے متصف ذات۔

    TerminologyEnc.com پر پڑھیں

33. 33 القَوِيّ

    طاقتور

    القَوِيّ (طاقتور) : وہ مکمل طاقت و قوت کی مالک ذات، جس پر کسی کا زور نہیں چلتا اور جس کے فیصلے کو کوئی ٹال نہیں سکتا۔

    TerminologyEnc.com پر پڑھیں

34. 34 المَتِيْن

    مضبوط

    المَتِيْن (مضبوط) : انتہا درجے کی طاقت، قوت اورقدرت کا مالک، جسے نہ کمزوری کا سامنا ہو اور نہ مشقت کا۔

    TerminologyEnc.com پر پڑھیں

35. 35 العَزِيْز

    غالب

    ‏العزيزُ (غالب) : وہ ذات جو کامل عزت کی مالک ہو اور اپنی طاقت و قوت اور بالادستی کی بنا پر ہر چیز پر غالب ہو۔

    TerminologyEnc.com پر پڑھیں

36. 36 القَاهِر

    زبردست

    القَاهِر (زبردست) : جس کے آگے ساری کائنات سربسجود ہو اور جس کی قدرت و ارادے کے تابع ساری مخلوقات ہوں۔

    TerminologyEnc.com پر پڑھیں

37. 37 القَادِر

    قدرت والا

    القَادِر (قدرت والا) : مکمل اور ہمہ گیر قدرت کی مالک ذات، جسے کوئی چیز بے بس نہیں کر سکتی اور جس کا کوئی مقصد فوت نہیں ہوتا۔

    TerminologyEnc.com پر پڑھیں

38. 38 القَدِيْر

    قدرت والا

    القَدِيْرُ (قدرت والا) : جو کامل قدرت کا مالک ہے اور اس کے اندر بے بسی و کوتاہ دستی کا شائبہ تک نہیں ہے۔

    TerminologyEnc.com پر پڑھیں

39. 39 المُقْتَدِر

    بڑی قدرت والا

    المُقْتَدِر (بڑی قدرت والا) : وہ ذات، جو کامل قدرت کی مالک ہے اور کوئی چیز اس کے بس سے باہر نہیں ہے۔

    TerminologyEnc.com پر پڑھیں

40. 40 الجَبَّار

    زور آور

    الجَبَّار (زور آور) : وہ ذات جو اپنی مخلوق سے بالا و برتر ہو، ہر چیز پر غالب ہو، ہر چیز اس کی فرماں برداری کرتی اور اس کے آگے جھکتی ہو اور جو بھی اس کی پناہ میں آئے اس کی تسلی کا سامان کرتی ہو۔

    TerminologyEnc.com پر پڑھیں

41. 41 الخَالِق

    خالق

    خالق : جس نے کسی نمونے کے بغیر ساری چیزوں کو وجود بخشا ہے۔

    TerminologyEnc.com پر پڑھیں

42. 42 البَارِئ

    پیدا کرنے والا

    البَارِئُ (پیدا کرنے والا) : وہ ذات جس نے تمام موجود چیزوں کو پیدا کیا، صورت بخشی اور عدم سے وجود عطا کیا۔

    TerminologyEnc.com پر پڑھیں

43. 43 المُصَوِّر

    صورت گری کرنے والا

    المُصَوِّر (صورت گری کرنے والا) : جس نے مخلوقات کو الگ الگ شکل و صورت دے کر پیدا کیا، جو اس کے علم و حکمت کی دلیل ہے۔

    TerminologyEnc.com پر پڑھیں

44. 44 المُهَيْمِن

    نگہبان

    المُهَيْمِن (نگہبان) : وہ ذات جو مخلوق کی نگہبان، حاکم، انھیں اپنے حساب سے چلانے والی اور ان کی پوری خبر رکھنے والی ہے۔

    TerminologyEnc.com پر پڑھیں

45. 45 الحَفِيْظ

    حفاظت کرنے والا

    الحَفِيْظُ (حفاظت کرنے والا) : جو اپنی پیدا کردہ تمام چیزوں کی حفاظت کرتا ہے، ساری مخلوقات کا علم رکھتا ہے، اپنے اولیا کو گناہوں سے بچاتا ہے اور بندوں کے اعمال کا حساب رکھتے ہوئے انھیں ان کے مطابق بدلہ دیتا ہے۔

    TerminologyEnc.com پر پڑھیں

46. 46 الوَلِيّ

    مددگار

    الوَلِيُّ (مددگار) : جو اپنے مؤمن بندوں کی مدد کرتا ہے اور ساری مخلوقات کے مسائل حل کرتا ہے۔

    TerminologyEnc.com پر پڑھیں

47. 47 المَوْلَى

    مولی

    مولی : اللہ تمام مخلوقات کا مولی ہے، اس معنی میں کہ وہ ان کا آقا، مالک، خالق اور برحق معبود ہے۔ مؤمن بندوں کا مولی اس معنی میں ہے کہ وہ ان سے محبت کرتا ہے، انھیں اچھے کاموں کی توفیق دیتا ہے، ان کے مدد کرتا ہے، ان کے مصالح کا خیال رکھتا ہے اور ان کے حق میں دینی اور دنیوی منافع کا حصول آسان کرتا ہے۔

    TerminologyEnc.com پر پڑھیں

48. 48 النَّصِيْر

    مددگار

    النَّصِيْر (مددگار) : جو اپنے مومن بندوں کی نصرت اور مدد کرتا ہے۔

    TerminologyEnc.com پر پڑھیں

49. 49 النَّاصِر

    ناصر

    ناصر : وہ جو اپنے جس بندے کو چاہتا ہے، نصرت اور غلبہ عطا کرتا ہے۔

    TerminologyEnc.com پر پڑھیں

50. 50 الوَكِيْل

    کام بنانے والا

    الوَكِيْل (کام بنانے والا) : مخلوقات کی روزی کا کفیل، ان کے مصالح کو دیکھنے والا، ساتھ ہی اپنے اولیا کا حامی و ناصر بن کر ان کے لیے آسانیوں کی راہ ہموار کرنے والا، انھیں مشکلات سے بچانے والا اور سارے معاملوں میں ان کی طرف سے کافی ہونے والا۔

    TerminologyEnc.com پر پڑھیں

51. 51 الكَفِيْل

    ضامن

    الكَفِيْل ضامن : وہ جو مخلوق کے متعلق سارے امور کو سر انجام دیتا ہے اور ان کو روزی دینے کا ضامن ہے۔

    TerminologyEnc.com پر پڑھیں

52. 52 الكَافِي

    کافی

    کافی : جو بندوں کی تمام ضرورتوں کو پورا کرنے کے لیے کافی ہے اور جس کی مدد کے بعد کسی اور کے سہارے کی ضرورت نہیں رہتی۔

    TerminologyEnc.com پر پڑھیں

53. 53 الصَّمَد

    بے نیاز

    الصَّمَد (بے نیاز) : کامل رب اور عظیم سرپرست، جس کے در کو ہر ضرورت کے وقت چاہت اور ڈر کے ساتھ کھٹکھٹایا جاتا ہے۔

    TerminologyEnc.com پر پڑھیں

54. 54 الرَّزَّاق

    بہت زیادہ روزی دینے والا

    الرَّزَّاق (بہت زیادہ روزی دینے والا) : وہ جس نے بندوں کو روزی دینے کا ذمہ لے رکھا ہے، جو ان کے جسمانی اور روحانی نشو و نما کے لیے بے حد ضروری ہے۔

    TerminologyEnc.com پر پڑھیں

55. 55 الفَتَّاح

    فیصلہ کرنے والا

    الفَتَّاح (فیصلہ کرنے والا) :جو اپنے بندوں کے بیچ اپنے شرعی احکام کے ذریعے حکم صادر کرتا ہے، ان کے درمیان اپنے قدری احکام کے ذریعے فیصلہ کرتا ہے اور ان کا اپنے جزا و سزا پر مبنی احکام کے ذریعے محاسبہ کرتا ہے۔

    TerminologyEnc.com پر پڑھیں

56. 56 المُبِيْن

    واضح کرنے والا

    المُبِيْن (واضح کرنے والا) : وہ ذات جس کی وحدانیت واضح اور روشن ہے، جس کا کوئی ساجھی نہیں ہے اور جو اپنے مؤمن بندوں کے لیے حق کو روشن کر دیتا ہے۔

    TerminologyEnc.com پر پڑھیں

57. 57 الهَادِي

    ہدایت دینے والا

    الهَادِي (ہدایت دینے والا) : جو اپنے بندوں کو تمام منافع کی راہ دکھاتا اور نقصانات سے بچنے کے طریقے بتاتا ہے اوران میں سے جسے چاہتا ہے سیدھے راستے پر چلنے کی توفیق دیتا ہے۔

    TerminologyEnc.com پر پڑھیں

58. 58 الحَكَم

    فیصلہ کرنے والا

    الحَكَم (فیصلہ کرنے والا) : جو ہر چیز کا فیصلہ کرتا ہے، اور وہ جیساچاہتا ہے کرتا ہے اور اپنے بندوں کے بیچ حق اور انصاف کی بنیاد پر فیصلہ کرتا ہے۔

    TerminologyEnc.com پر پڑھیں

59. 59 الرَّؤُوْف

    شفیق

    الرَّؤُوْف (شفیق) : وہ ذات، جو اپنے بندوں پر بے انتہا شفقت و رحمت کرنے والی ہے۔

    TerminologyEnc.com پر پڑھیں

60. 60 الوَدُوْد

    بہت زیادہ محبت کرنے والا

    الوَدُوْد (بہت زیادہ محبت کرنے والا) : یعنی جو محبت کرتا ہے اور اس سے محبت کی جاتی ہے۔ وہ اپنے نبیوں، رسولوں اور انھیں ماننے والوں سے محبت کرتا ہے اور یہ سب لوگ اس سے محبت کرتے ہیں۔

    TerminologyEnc.com پر پڑھیں

61. 61 البَرّ

    محسن

    البَرُّ (محسن) : جس نے بندوں کو طرح طرح کی نعمتوں سے نوازا ہے۔

    TerminologyEnc.com پر پڑھیں

62. 62 الحَلِيْم

    بُردبار

    الحَلِيْم (بُردبار) : وہ بُردبار ہستی، جو اپنے بندوں کے گناہوں کی سزا دینے میں جلدی نہیں کرتی۔

    TerminologyEnc.com پر پڑھیں

63. 63 الغَفُوْر

    بخشنے والا

    الغَفُوْر (بخشنے والا) : وہ ذات، جو اپنے بندوں کو ان کے گناہوں کے شر سے بچاتی ہے اور انھیں اس پر سزا نہیں دیتی۔

    TerminologyEnc.com پر پڑھیں

64. 64 العَفُوّ

    بہت زیادہ معاف کرنے والا

    بہت زیادہ معاف کرنے والا : جو برائيوں کو مٹاتا ہے اور گناہوں سے درگزر کرتا ہے۔

    TerminologyEnc.com پر پڑھیں

65. 65 التَّوَّاب

    توبہ قبول کرنے والا

    توبہ قبول کرنے والا : جو بندوں کو توبہ کی توفیق دیتا ہے اور ان کی توبہ قبول کرتا ہے۔

    TerminologyEnc.com پر پڑھیں

66. 66 الكَرِيْم

    کریم

    کریم : بڑی بھلائی اور عظیم نفع والا۔

    TerminologyEnc.com پر پڑھیں

67. 67 الأَكْرَم

    بڑا کریم

    الأَكْرَم (بڑا کریم) : بڑی بھلائی اور نوازش کا مالک، جس کے ہاتھ میں ساری بھلائیاں ہیں اور اسی کی جانب سے ہر خیر ملتی ہے۔

    TerminologyEnc.com پر پڑھیں

68. 68 الشَّاكِر

    قدردان

    الشَّاكِر (قدردان) : جو اپنے اطاعت گزاروں کی تعریف کرتا ہے اور انھیں ان کی اطاعت کا بدلہ ان کے استحقاق سے زیادہ دیتا ہے۔

    TerminologyEnc.com پر پڑھیں

69. 69 الشَّكُوْر

    نہایت قدردان

    الشَّكُوْر (نہایت قدردان) : جو چھوٹے چھوٹے کاموں کی قدردانی کرتے ہوئے بڑے بڑے ثواب عطا کرتا ہے اور بہت سی لغزشوں سے درگزر کرتا ہے۔

    TerminologyEnc.com پر پڑھیں

70. 70 السَّمِيْع

    سننے والا

    السَّمِيْع (سننے والا) : وہ جو تمام سنی جانے والی چیزوں کو سنتا ہے۔ چپکے سے کہی جانے والی بات اور سرگوشی بھی اس کے دست رس کے اندر ہے اور زور سے بولنا اور آہستہ بولنا نیز بولنا اور خاموش رہنا سب اس کے حق میں برابر ہے۔

    TerminologyEnc.com پر پڑھیں

71. 71 البَصِيْر

    دیکھنے والا

    البَصِيرُ (دیکھنے والا) : وہ ذات جس کے دیکھنے کے دائرے سے کوئی چیز باہر نہ ہو، جو ہر چھوٹی بڑی چیز کو دیکھ رہی ہو، اس کی خبر رکھتی ہو اور اس کی اندرونی باتوں سے واقف ہو۔

    TerminologyEnc.com پر پڑھیں

72. 72 الشَّهِيْد

    باخبر

    الشَّهِيْد (باخبر) : جس سے کوئی چیز اوجھل نہیں ہوتی، بلکہ وہ ہر چیز سے باخبرہے، ہر شے کو دیکھتا ہے اور اس کی تفصیلات سے واقف رہتا ہے۔

    TerminologyEnc.com پر پڑھیں

73. 73 الرَّقِيْب

    نگہبان

    الرَّقِيْب (نگہبان) : وہ جو ہر چیز کی خبر رکھتا ہے، چھپی ہوئی باتوں اور رازہائے سربستہ سے واقف ہے، جو ہر شے کو جانتا اور دیکھتا ہے اور کوئی مخفی سے مخفی بات اور سرگوشی اس سے چھپی نہیں رہتی۔

    TerminologyEnc.com پر پڑھیں

74. 74 القَرِيْب

    قریب

    قریب : جو اپنے فرماں بردار بندے کو ثواب دینے، پکارنے والے کی پکار سننے اور تمام بندوں سے اس اعتبار سے قریب ہے کہ وہ ان کی پوری خبر رکھتا ہے۔ واضح رہے کہ یہ اللہ کے بلندی (عرش) پر ہونے کے منافی نہیں ہے۔

    TerminologyEnc.com پر پڑھیں

75. 75 المُجِيْب

    دعا قبول کرنے والا

    المُجِيْب (دعا قبول کرنے والا) : جو مانگنے والے کا دامن بھر دیتا ہے اور پکارنے والے کی مراد پوری کرتا ہے۔

    TerminologyEnc.com پر پڑھیں

76. 76 المُحِيْط

    احاطہ کرنے والا

    احاطہ کرنے والا : اللہ کا یہ نام یہ بتلاتا ہے کہ وہ اپنی مخلوق سے بلند و بالا ہے اور کائنات کی ساری چیزیں اس کے علم، قدرت اور غلبہ کے دائرے میں ہیں۔

    TerminologyEnc.com پر پڑھیں

77. 77 الحَسِيْب

    كافی

    الحَسِيْب (کافی) : وہ جو اپنے اوپر بھروسہ رکھنے والے مؤمن بندوں کے لیے کافی ہے، ان کے اعمال کی خبر رکھتا ہے اور ان اعمال کی بنیاد پر ان کا محاسبہ بھی کرے گا۔

    TerminologyEnc.com پر پڑھیں

78. 78 الغَنِيّ

    بے نیاز

    الغَنِيُّ (بے نیاز) : جس کے سب محتاج ہوں، لیکن وہ کسی کامحتاج نہ ہو۔

    TerminologyEnc.com پر پڑھیں

79. 79 الوَهَّاب

    بہت زیادہ دینے والا

    الوَهَّاب (بہت زیادہ دینے والا) : جو بڑے پیمانے پر نوازنے والا اور عطا کرنے والا ہے اور جس کی نوازش اور سخاوت سے ساری کائنات مستفید ہو رہی ہے۔

    TerminologyEnc.com پر پڑھیں

80. 80 المُقِيْت

    روزی اتارنے والا

    المُقِيْت (روزی اتارنے والا) : جواپنے علم کے مطابق مخلوق کی روزی متعین کرتا ہے، پھر اپنی قدرت سے انھیں روزی فراہم کرتا ہے اور ان کے درمیان تقسیم کرتا ہے۔

    TerminologyEnc.com پر پڑھیں

81. 81 المُقَدِّم

    آگے کرنے والا

    المُقَدِّم (آگے کرنے والا) : ہر چیز کو اس کی صحیح جگہ میں رکھنے والا۔ وہ جس چیز کو چاہے آگے کرتا ہے اور جس چیز کو چاہے پیچھے کرتا ہے۔

    TerminologyEnc.com پر پڑھیں

82. 82 المُؤَخِّر

    پیچھے کرنے والا

    المُؤَخِّر (پیچھے کرنے والا) : جو ان چیزوں کو مؤخر کر کےانہیں ان کے صحیح مقام میں رکھتا ہے، جو پیچھے کیے جانے کی حق دار ہیں۔

    TerminologyEnc.com پر پڑھیں

83. 83 الرَّفِيْق

    نرمی سے کام لینے والا

    الرَّفِيْق (نرمی سے کام لینے والا) : تمام معاملوں میں نرمی سے کام لینے اور ڈھیل دینے والا، جو نافرمانوں کو سزا دینے میں جلدی نہیں کرتا۔

    TerminologyEnc.com پر پڑھیں

84. 84 المَنَّان

    بن مانگے دینے والا

    المَنَّان (بن مانگے دینے والا) : جو بڑا نوازنے والا اور بن مانگے ہی نعمتیں عطا کرنے والا ہے۔

    TerminologyEnc.com پر پڑھیں

85. 85 الجَوَاد

    سخی

    الجَوَاد (سخی) : جو بڑی داد و دہش کرنے والا ہے اور اس کی دادو دہش کے دائرے سے کائنات کی کوئی چیز باہر نہیں ہے۔

    TerminologyEnc.com پر پڑھیں

86. 86 المُحْسِن

    احسان کرنے والا

    احسان کرنے والا : وہ ذات، جس نے اپنے بندوں کو طرح طرح کی ظاہری اور باطنی نعمتیں دے رکھی ہیں۔

    TerminologyEnc.com پر پڑھیں

87. 87 الدَّيَّان

    بدلہ دینے والا

    الدَّيَّان (بدلہ دینے والا) : جو بندوں کو ان کے اعمال کے مطابق بدلہ دے گا اور ان کا حساب و کتاب بھی لے گا۔

    TerminologyEnc.com پر پڑھیں

88. 88 الشَّافِي

    شفا دینے والا

    شفا دینے والا : وہ جو بندوں کو جسمانی امراض، دل کے شبہات اور نفس کی شہوتوں سے عافیت دیتا ہے ۔

    TerminologyEnc.com پر پڑھیں

89. 89 السَّيِّد

    سردار

    السَّيِّد (سردار) : رب، مالک اور حقیقی سردار، جس کی جانب ساری مخلوقات دنیا اور آخرت کے تمام معاملوں میں رجوع کرتی ہیں۔

    TerminologyEnc.com پر پڑھیں

90. 90 الوِتْر

    يگانہ

    الوِتْر (يگانہ) : وہ ذات، جو اکیلی ہے اور اس کا کوئی ساجھی و نظیر نہیں ہے۔

    TerminologyEnc.com پر پڑھیں

91. 91 الحَيِيّ

    نہایت باحیا

    نہایت با حیا : وہ ذات، جو بہت زیادہ حیا والی ہے۔ واضح ہو کہ یہاں حیا سے مراد مخلوقات جیسی حیا نہیں ہے، بلکہ اس سے مراد اس کا ان چیزوں کو ترک کرنا ہےجو اس کی بے پایاں رحمت ،کمال سخاوت اور عظیم عفو و درگزر کے مطابق نہ ہوں۔

    TerminologyEnc.com پر پڑھیں

92. 92 الطَّيِّب

    طیب

    طیب : یعنی اللہ تمام کمیوں، خامیوں اور عیبوں سے پاک ہے۔

    TerminologyEnc.com پر پڑھیں

93. 93 المُعْطِي

    عطا کرنے والا

    عطا کرنے والا : وہ جو درحقیت سب کچھ دینے والا ہے۔ وہ دینا چاہے تو کوئی روک نہیں سکتا اور روک لے تو کوئی دے نہیں سکتا۔

    TerminologyEnc.com پر پڑھیں

94. 94 الجَمِيْل

    خوب صورت

    الجَمِيْل (خوب صورت) : جو اپنی ذات، ناموں، صفات اور اپنے افعال میں جمال مطلق کا حامل ہے۔

    TerminologyEnc.com پر پڑھیں

95. 95 الإِلَه

    معبود

    الإِلَه (معبود) : یہ ایک ایسا کلمہ ہے، جو کمال و جلال کے تمام اوصاف کا جامع ہے اور ایسے معبود کی نشان دہی کرتا ہے، جس کے سوا کوئی عبادت کے لائق نہیں ہے۔

    TerminologyEnc.com پر پڑھیں

96. 96 الرَّافِع

    بلند کرنے والا

    الرَّافِع (بلند کرنے والا) : وہ جسے چاہتا ہے، جیسا چاہتا ہے، بلندی عطا کرتا ہے۔ جیسے اپنے اولیا کو دنیا اور آخرت کی سربلندی عطا کرتا ہے۔

    TerminologyEnc.com پر پڑھیں

97. 97 ذُو الجَلالِ والإِكْرامِ

    عزت و جلال والا

    ذُو الجَلالِ والإِكْرام (عزت و جلال والا) : عظمت، بڑائی، رحمت، سخاوت کا مالک اور تعظیم و تعریف کا مستحق ہے ۔

    TerminologyEnc.com پر پڑھیں

98. 98 أحسن الخالقين

    سب سے اچھا پیدا کرنے والا

    سب سے اچھا اندازہ کرنے والا، سب سے بہترین بنانے والا اور صورت گری کرنے والا کہ کوئی بھی اس کی تخلیق کی طرح تخلیق نہیں کرسکتا ۔

    TerminologyEnc.com پر پڑھیں