Qabasمَا عِندَكُمۡ يَنفَدُ وَمَا عِندَ ٱللَّهِ بَاقٖۗ وَلَنَجۡزِيَنَّ ٱلَّذِينَ صَبَرُوٓاْ أَجۡرَهُم بِأَحۡسَنِ مَا كَانُواْ يَعۡمَلُونَ ٩٦
Mā 'indakum yanfadu wamā 'indallāhi bāqin walanajziyannal-ladhīna sabarū ajrahum bi ahsani mā kānū ya'malūn
Sizdə olan nemətlər tükənəcək, Allah yanında olan nemətlər isə daim qalacaqdır. Səbirli olanlara etdikləri yaxşı əməllərə görə mükafatlarını verəcəyik.
Təfsir
Ey İnsanlar! Sahib olduğunuz mal-dövlət, naz-nemətlər nə qədər çox olsa da tükənəcək, Allah yanında olan mükafat isə daim qalacaqdır. Elə isə onlar, fani olanı, necə əbədi qalandan üstün tuturlar? Əhdlərində səbirli olub onları pozmayanlara, etdikləri yaxşı əməllərin mükafatını verəcəyik. Onlara, hər bir yaxşı əməlin qarşılığı olaraq, etdiyi yaxşı əməlin on mislindən, yeddi yüz mislinə qədər hətta bundan da daha çox qarşılığı veriləcəkdir!