Qabasوَإِن طَآئِفَتَانِ مِنَ ٱلۡمُؤۡمِنِينَ ٱقۡتَتَلُواْ فَأَصۡلِحُواْ بَيۡنَهُمَاۖ فَإِنۢ بَغَتۡ إِحۡدَىٰهُمَا عَلَى ٱلۡأُخۡرَىٰ فَقَٰتِلُواْ ٱلَّتِي تَبۡغِي حَتَّىٰ تَفِيٓءَ إِلَىٰٓ أَمۡرِ ٱللَّهِۚ فَإِن فَآءَتۡ فَأَصۡلِحُواْ بَيۡنَهُمَا بِٱلۡعَدۡلِ وَأَقۡسِطُوٓاْۖ إِنَّ ٱللَّهَ يُحِبُّ ٱلۡمُقۡسِطِينَ ٩
Wa in tā'ifatāni minal-mu'minīnaqtatalū fa aslihū baynahumā fa im baghat ihdāhumā 'alal-ukhrā faqātilul-latī tabghī hattā tafī'a ilā amrillāhi fa in fā'at fa aslihū baynahumā bil-'adli wa aqsitū innallāha yuhibbul-muqsitīn
Əgər möminlərdən iki dəstə bir-biri ilə vuruşsa, onların arasını islah edin. Əgər onlardan biri digərinə qarşı təcavüz etsə, təcavüz edənlə Allahın əmrinə qayıdanadək vuruşun. Əgər o qayıtsa, hər iki dəstənin arasını ədalətlə islah edin və ədalətli olun. Sözsüz ki, Allah ədalətli olanları sevər.
Təfsir
Ey möminlər! Əgər möminlərdən iki dəstə bir-biri ilə vuruşsa, siz, onların hər ikisini ixtilafa düşdükləri məsələdə Allahın şəriəti ilə hökm verməyə dəvət etməklə onları barışdırın. Əgər onlardan biri sülhə gəlməkdən imtina edib təcavüzünə davam etsə, təcavüzkar dəstə ilə, Allahın hökmünü yerinə yetirməyə qayıdanadək, vuruşun. Əgər o, Allahın hökmünə qayıtsa, hər iki dəstəni ədalət və insafla barışdırın və onların arasında hökm verdikdə ədalətli olun. Şübhəsiz ki, Allah özlərinin verdiyi hökmdə ədalətli olanları sevər.